Isto vai de falar e vivir en galego

O concello inicia obradoiros de natureza e deportes para promover a lingua

 01:15  

Fala apenas de ti, pouco dos outros, todo o posible das cousas. A sabiduría de vello ben val para presentar "A lingua latexa", o novo programa do servizo municipal de Normalización Lingüística que propón actividades non adicadas ao galego senón en galego: desde observar a natureza a entrenar ao rugby, pero sempre na lingua do pais. Os principais destinatarios son os máis novos, coa idea tamén de desbotar tópicos: ¿sabía que os nenos e adolescentes son un colectivo especialmente afectuoso co galego e concenciado coa súa protección?

REDACCIÓN - PONTEVEDRA E de que irá isto? Nos últimos días varios carteis espallados pola cidade propoñían esta pregunta sen outra aclaración. A resposta deuna onte o concelleiro de Normalización Lingüística, Demetrio Gómez: "é un concurso, que consiste en fotografar códigos cos que ao final se obten unha frase: "A lingua latexa", se a averiguas e a subes á web entras nun concurso para elaborar un eslogan sobre o galego que terá un premio importante".

O concurso, que está a ser promocionado nas redes sociais coma Tuenti ou Facebook, é un exemplo da nova liña de traballo de Normalización Lingüística centrada nos máis novos non tanto no mesmo galego coma no seu uso cotiá nas actividades máis variadas: da obser vación da natureza ao deporte, todo se pode facer na nosa lingua.

O programa inclúe actividades xa coñecidas (casos dos numerosos concursos de "Ben veñas Maio", un clásico nos centros de ensino de Secundaria) e novas propostas, caso dos obradoiros relacionados coas culturas urbans.

Así, en decembro celebraranse obradoiros de hip-hop coa rapeira Aid, e xa o vindeiro mes arrancarán na Illa das Esculturas os programas "A natureza e a arte" que se celebrarán en colaboración coas asociacións de pais.

A lingua tamén latexa no deporte, e están previstos programas específicos relacionados co xadrez e o rugby a fin de normalizar o uso do galego entre os máis novos nos máis diversos eidos.

Pola súa banda, os máis pequenos da casa contarán con obradoiros de xadrez, un programa que se celebra este mesmo mes en Xeve, ou "Bopcaberta", un programa de contos para nenos de 3 a 9 anos.

"Traballamos co obxectivo de dinamizar a lingua e facer que sexa normal en todos os ambetos, tamén desbotar tópicos relacionados cos mozos e facer ver datos coma éste: os máis novos son un dos espectros sociais máis concienciado de que a lingua debe ser falada, traballada e cuidada", engaidu o concelleiro.

Dentro de "A lingua latexa" tamén se celebrarán outras actividades como a expoxición "Crónicas da represión lingüística". Ésta exhibirase a partires do vindeiro día 26 na Biblioteca Pública.

A maiores, o día 23 de novembro celebrarase a entrega dos Premios Xoán Manuel Pintos, adecados a recoñecer a aquelas persoas ou entidades que coa súa actuación axudan a impulsar a presenza da lingua galega na sociedade pontevedresa en particular e na galega en xeral.

E para os que prefiran pasear por Pontevedra, continúan as visitas dos roteiros Castelao e Sarmiento, dous dos veciños da cidade que souberon sempre que non hai nada na vida que non podamos facer en galego.

  HEMEROTECA
Caja Negra        O Bichero         Floreano
Síguenos en...
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »




Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »




Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya