"Ven coñecer da man dun arqueólogo a etnografía e historia das nosas parroquias". É a invitación de Asemblea pola Unidade (ASpUN) a todas as personas interesadas en "pasar un tempo, entre hora e media e dúas horas, compartindo un coñecemento vital, o do territorio que compartimos, que ás veces é agradable e amigo e outras convertímolo en ferramenta agresiva, espazo deteriorado donde a convivencia é difícil".
Trátase de catro rutas polas parroquias de Cangas, gratuitas e para as que non se precisa inscrición, basta con presentarse no punto indicado ás 10 da mañán. A primeira, por Coiro este sábado, 21 de abril, con saída e chegada no aparcadoiro das pistas de atletismo de Verín. O vindeiro sábado, 28 de abril, será o turno de Darbo, con saída e chegada no Balcón do Rei. O 5 de maio toca en Aldán, con lugar de reunión no Centro de Saúde, e a tanda de visitas guiadas rematará o 19 de maio en O Hío, con saída e chegada na Praia de Vilariño.
"Coñecer o espazo que habitamos é aprender un pouco máis de nós mesmas", sinalan desde ASpUN, que apostan por "observar e comprender" o noso territorio.
