A coruñesa Pura Tejelo gaña o Premio Johán Carballeira de Poesía

O xurado elexiu "A elegancia do século" de entre os 54 traballos presentados a concurso

17.04.2016 | 06:11

A escritora coruñesa Pura Tejelo Núñez gañou a decimonovena edición do Premio Johán Carballeira de Poesía de Bueu grazas ó seu poemario "A elegancia do século". O traballo de Tejelo foi escollido polo xurado por valores como o seu xeito de "explorar o cotián dun xeito profundo e elaborado, empregando un repertorio de imaxes que con nitidez nos trasladan á anécdota ou situación que deu orixe á reflexión lírica". Asimesmo, destacou o feito de que os diferentes poemas presentan unha unidade interna a pesar de contar cunha ampla variedade temática.

O xurado, integrado por as poetisas Asun Estévez e Ledicia Costas e polo gañador da pasada edición, Ismael Ramos, seleccionou "A elegancia do século" de entre os 54 poemarios presentados a concurso, no que supón o récord de participación en toda a historia deste certame, nacido en 1996 como una homenaxe ó exalcalde galeguista de Bueu, poeta e xornalista Johán Carballeira. A gañadora se embolsará con este galardón 1.500 euros, ademais de ver publicada a súa obra en Edicións Xerais.

Homenaxe ós represaliados

Por outra banda, a Asociación de Amigos de Johán Carballeira celebra hoxe un acto de homenaxe ó exalcalde e os represaliados. Consistirá nunha ofrenda ás 18 horas e ás 19 horas haberá un charla con Montse Fajardo, autora de "Un cesto de mazás".

Compartir en Twitter
Compartir en Facebook
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine