O Círculo Podemos Cangas ten convocadas ás bases para as sete desta tarde no bar Canis Lupus, da rúa Ferrol, cunha orde do día que inclúe a lectura e aprobación, se procede, da acta anterior, a benvida aos novos compañeiros e compañeiras, accións a levar a cabo de agora en diante e propostas de organización. A cita coincide con outra convocada por Círculo Podemos Mar-Cangas no hotel Jucamar, que denuncia "a manipulación" que está realizando un sector ao que acusa de "alterar o orde do día" da asemblea aberta na que se debería nomear un portavoz local. Xustifican a celebración paralela "para non alimentar manipulacións e enfrontamentos, sempre provocados pola mesma persoa". Adiantan que porán a portavocía a disposición da asemblea "no momento en que se resolvan os problemas internos".
