04 de junio de 2017
04.06.2017

Xosé Ramón Pena: "É unha enorme honra recibir o Premio Ramón Cabanillas"

O colaborador de FARO, emocionado, adica o recoñecemento a quenes o puxeron en contacto coa obra do cambadés - Caamaño anuncia para novembro un roteiro do poeta

04.06.2017 | 03:22

Trinta anos despois de traballar na edición de "Na noite estrelecida", Xosé Ramón Pena alzouse co Premio Ramón Cabanillas que conceden o Concello de Cambados e dúas librarías da vila do albariño. O catedrático en Lingua e Literatura Galega admitiu onte no Auditorio da Xuventude que naquela época "dificilmente podería imaxinar que estivese recibindo este premio", entrando así a formar parte "dunha nómina de persoeiros de altura". "É unha honra enorme, extraordinaria", agradeceu.

Emocionado, o colaborador de FARO DE VIGO adicou o galardón ás persoas, xa finadas, que o puxeron en contacto coa obra de Cabanillas. Foron o seu "pai espiritual" e profesor de Universidade nos anos setenta, Ricardo Carballo, e Luis Mariño, o director de Edicións Xerais que lle permitiu sacar adiante "Poesía galega completa de R. Cabanillas" xunto con Xosé María Dobarro, con quen Pena quixo compartir o recoñecemento que lle brindou o pobo cambadés, un lugar "ao que me apetece vir por calquera motivo", dixo o betanceiro.

Logo de recibir un busto de Cabanillas esculpido por Eduardo Baamonde e outros agasallos, Xosé Ramón Pena quixo finalizar a súa intervención recitando uns versos do bardo cambadés con motivo do centenario de "Da terra asoballada": "Berremos alto e forte: A terra é nosa!", proclamou nun auditorio que, aínda que non cheo nin moito menos ("competimos coa Champions", recordou o concelleiro de Cultura), si estivo entregado.

Entre o público non faltaron familiares de Cabanillas como a súa neta Pitusa; a alcaldesa, Fátima Abal; o edil de Cultura, Víctor Caamaño; a deputada do BNG, Montserrat Prado; ou o profesor Duarte Correa, entre outros.

Tamén asistiron os galardoados na anterior edición, Xoán Silva e Blas, que interpretaron ao son das súas guitarras tres pezas con versos de Cabanillas.

A gala da décimo cuarta edición do Premio Ramón Cabanillas celebrouse onte para coincidir coa data de nacemento do autor. Para a conmemoración da súa morte, no mes de novembro, o concelleiro de Cultura anunciou sobre o escenario do Auditorio da Xuventude a inauguración do roteiro Ramón Cabanillas, que contará con 26 puntos de interese e servirá para difundir a obra e vida do poeta e tamén como reclamo turístico.

Legado en Exposalnés

O nacionalista Víctor Caamaño tamén manifestou que no ano 2018 "esperemos que o legado de Cabanillas estea na primeira planta de Exposalnés".

En relación ao homenaxeado, Xosé Ramón Pena, o concelleiro recalcou que é merecedor do galardón polo seu estudio especializado sobre a obra de Cabanillas. Así, editou "Na noite estrelecida "(1987), "Da Terra asoballada" (1994) ou "No desterro" (2010).

Á parte de Pena, tamén recitaron poemas de Cabanillas Manolita Hermida, Rosa Fiel e Manolo Núñez para dar o pistoletazo de saída ao acto, sempre coas mans de Sofía Maquieira ao piano, desprendendo unhas melodías moi agradables para o oído.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

 
Enlaces recomendados: Premios Cine