EN DIRECTO
JUAN RAMÓN DIOS SUÁREZ - Presidente do Consello Regulador do Mexillón de Galicia 

"O diálogo ten que ser o camiño para que o sector chegue a onde se merece"

 
Ramón Dios.
Ramón Dios.  J.L.Oubiña

Non será un dos candidatos a presidente do Consello

A. G. - A ILLA Leva catro anos e algún mes máis ao frente do Consello Regulador do Mexillón de Galicia, uns anos nos que se viviron momentos de todo tipo, desde os máis doces, como foi a consecución da Denominación de Orixe para o primeiro producto do mar na Unión Europea, ata o máis duro como foron os enfrontamentos nos peiraos pola falta de unidade no sector mexilloeiro. Agora a convocatoria de eleccións no Consello Regulador supón a súa despedida do cargo de presidente da entidade máis representativa deste sector.

–¿Cal é a valoración que se pode facer destes catro anos?

–A que facemos só pode ser positiva. Efectivamente foron catro anos nos que se viviron momentos bos e malos. Por desgraza, a día de hoxe, non estamos a atravesar un dos mellores momentos, pero no que atinxe ao Consello Regulador do Mexillón temos que dicir que foron catro anos de intenso traballo e con grandes logros para o conxunto do sector mexilloeiro.

–¿Cales foron eses logros?

–O principal foi a consecución, despois dun longo proceso de máis de 14 anos, da Denominación de Orixe Protexida Mexillón de Galicia. Foi un proceso que aínda, a día de hoxe, segue a estar torpedeado por quen ten intereses fóra de Galicia. Non por iso se vai empañar o obxectivo conquerido. Por outro lado, a forte aposta no impulso do departamento de I+D+i que o Consello tiña cando chegamos, incrementando o personal e realizando estudos estratéxicos para o sector do mexillón, como pode ser a diferenciación a través do ADN do noso producto do que se cultiva noutras xeografías, é unha ferramenta imprescindible para a denuncia ou a persecución dun posible fraude ao consumidor. Nestes intres, o Consello dispón de personal en todos os peiraos de Galicia para realizar as tarefas de control de todo o mexillón que se descarga e poder facer así unha prestación dos servicios que precisan todos e cada un dos bateeiros.

–Sempre se especulou coa súa continuidade ao frente da entidade ¿Vai presentarse á reelección?

–Un dos valores máis importantes dunha persona, senón é o que máis, é a súa palabra. Se hai uns meses deixaba unha porta aberta a optar á reelección, hai tamén algún tempo que dixen que non me ía presentar outra vez. Evidentemente se o valor da palabra é importante, a resposta está dada, é dicir non.

–Un dos problemas endémicos dos que adolece o sector mexilloeiro é a forte división interna ¿Considera que non acadar a unión é un fracaso da súa xestión?

–Non formaba parte do noso cometido, pero aínda así, entristecenos ver que a posibilidade de ter un criterio común e unha estratexia conxunta que beneficie a todos está moi lonxana. Non hai moito tempo, tras unha loita que agardamos que non se volte a producir, triunfou o libre mercado e a xente que non ten interese máis que en si mesmos. Se os representantes tivesen soamente palabra, a día de hoxe a situación sería moi distinta e contaríamos cun sector forte, unido e estratéxico para Galicia.

–¿Confía en que non se volten repetir os incidentes nos peiraos?

–Nunca se pode xustificar ningún tipo de incidente aínda cando os obxectivos sexan os correctos. O diálogo debe ser o camiño para que o sector chegue a onde se merece, a liderar a comercializacón do mexillón en todo o mundo. Agardamos que se aprendese a lección.

–Tamén como presidente do Consello tivo certos problemas co sector transformador, que o acusaban de defender só os intereses dos productores e non representar a todo o global do sector.

–É sorprendente que te acusen de non defender os intereses dos transformadores cando a súa proposta cara a consecución da D.O. é que fose só para fresco. Só a aposta personal e decidida, xunto cos membros da producción e da depuración e cos votos en contra dunha transformadora, a solicitude acabou sendo para todo o mexillón, fresco, procesado e conserva.

  HEMEROTECA
Caja Negra        O Bichero         Floreano
¿Qué piensa hacer hoy? ¿Tiene algún plan para el fin de semana? Consulte todos los eventos culturales en nuestra agenda... más »
Le ofrecemos un espacio propio para hablar de lo que más le guste. Cree un blog en el espacio que Faro de Vigo pone a su disposición... más »
Contemple la Ría de Vigo en directo desde la cámara situada en la sede de Faro de Vigo, situada en Chapela... más »
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo
Diari de Girona  | Diario de Ibiza  | Diario de Mallorca  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad 2009