tribuna del lector

Día da patria galega/Día de Galicia, xornada de pedagoxía galeguizadora

13.07.2017 | 02:14
Día da patria galega/Día de Galicia, xornada de pedagoxía galeguizadora

Presenciei moitas veces a mesma escena, aínda que con distintos protagonistas. Rematada a manifestación para reclamar protección gobernamental para o agro galego, ou reivindicar postos de traballo, grupos de manifestantes acuden aos bares levando debaixo do brazo bandeiras e pancartas para celebraren o éxito da convocatoria. Pídenlles aos camareiros viños, vermús, cervexas e "algo para picar", sen demandaren que sexan produtos galegos etiquetados na nosa lingua. A escena por frecuente, como digo, é inadmisible pola incoherente contradición que conleva.

Chega o día 25 de xullo, Día da Patria Galega/Día Nacional de Galicia/Día de Galicia (segundo para quen) e as escenas repetiranse, multiplicándose nas tabernas e restaurantes composteláns. Iso si, despois de corearen proclamas na de defensa da nosa identidade e as pertinentes denuncias aos gobernantes. Isto volverá a acontecer este ano se non media unha intervención das direccións das agrupacións sindicais e políticas para corrixiren actitudes que non son coherentes.

O Foro E. Peinador e a Irmandade de Agroalimentarios e Adegueiros vén de dirixirlles a todos os axentes políticos e sociais, e á cidadanía en xeral, unha carta na que se recollen os argumentos da filosofía que nos define. "Unha vez máis queremos buscar esa complicidade, animando ás persoas a demandaren produtos etiquetados en galego, e tamén aos resturantes, casas de xantares, cafeterías, bares e comercios en xeral a que oferten estes produtos nas súas cartas e expositores, na intelixencia de que, deste xeito, estamos a apoiar o comercio local e promovendo unha economía sostible que xera riqueza, valor engadido e emprego de proximidade, ao tempo que axuda a manter viva unha cultura, unha lingua e unha forma de ser".

Nestes últimos anos contamos co apoio de distintos movementos sociais, organizacións sindicais e políticas, e mesmo co do Parlamento de Galicia, que simbolizamos na sinatura da chamada Carta de Consumo Responsable e Solidario, na que se establece que temos un deber responsable á hora de dicir por que produtos optamos, "coa conciencia de que os produtos galegos contribúen ao desenvolvemento económico, permiten fixar poboación e garanten a pervivencia do noso país".

Pero aínda hai algo máis que cómpre salientar: temos un deber solidario con aquelas persoas emprendedoras que deron o paso arriscado de etiquetaren en galego as súas elaboracións ou utilizan o noso idioma nas súas campañas de promoción e comunicación, colaborando no mantemento dos nosos valores identitarios.

Cando apelamos á pedagoxía como un medio para mudarmos as condutas dos consumidores facémolo pensando nas organizacións sociais e políticas de inequívoca defensa da nosa identidade, porque son elas as que deben dar exemplo para que desde o primeiro ata o último militante se sumen a esta tarefa de galeguización do consumo.

O día 25 de xullo Compostela debería converterse nunha localidade onde escenificar e experimentarmos a eficacia desta pedagoxía galeguizadora que propoñemos. Que non quede ningún bar, cafetería ou restaurante sen ter coñecemento desta pretensión, convidándoos amablemente a seren solidarios coa lingua galega e cos nosos produtos.

Se non queremos cair nas rituais e abstractas manifestacións que non son máis que brindes ao sol, as forzas políticas e sindicais deben aleccionar aos seus militantes a participaren nesta xornada como mestres da galeguidade, aínda que sexa o día 25 de xullo. Hai que pasar dos ditos aos feitos.

*Presidente do Foro E. Peinador.

Compartir en Twitter
Compartir en Facebook

Suscriptor | Opinión

Contenido exclusivo para suscriptores digitales

JAVIER SÁNCHEZ DE DIOS

La imagen

Probablemente, lo peor de lo que ha ocurrido estos días con el overbooking de visitantes a las...

 
 

Cánovas, Rodrigo, Adolfo y...

Mi amigo Paco García, que vive en Gijón dedicado a altos menesteres...

 
 

ANXEL VENCE

Maridos de la muerte

Enamorados de la muerte ajena e incluso de la suya, los soldados de la Guerra Santa acaban de...

 
 

FERNANDO SCHWARTZ

El horror

La naturaleza de la mezquindad humana

 
 

PEDRO DE SILVA

En la inopia, me temo

¿Estaremos en guerra? Veo la foto de dos soldados libaneses en lucha contra el ISIS...

 
 

FRANCISCO SOSA WAGNER

Sexismo en la música

El regreso de la censura en los bailes de verano

 
 
Enlaces recomendados: Premios Cine