segunda feira

De Lisboa a Vladivostok

28.04.2014 | 02:15

Non sei se antes ou despois de asistir á misa de Páscoa na falsa catedral de Cristo Salvador, en Moscovo, Putin diu unha espectacular roda de prensa, como saben. De Gaulle e Couve de Murville, cando querían alporizar "les americains" e os seus amigos de Italia e Alemaña, soían insistir en que Europa termina nos montes Urales, tal como a min me ensinaban na escola.

O mito europeísta é un constructo democristián e "socialista" bencido polos EEUU, que exclúe Rusia. Putin sacou peito e dixo que Europa ía de Lisboa a Vladivostok, o que é parte da verdade. Despois falou do espírito europeo de Rusia. Se eu fose guionista de Putin faríalle un texto no que revindicaría, para horror da CIA, que a pintura abstracta apareceu en Rusia da man de Malevich, Rodchenko, Popova, etc. Que a linguaxe cinematográfica é Einsestein ou non é nada. Que a táboa periódica dos elementos químicos naceu na mente de Mendeleiev.

Non faría eu falar a Putin de lingüística, de música, de antropoloxía, de ballet e outras materias nas que abundan os nomes procedentes do Grande Leste. Si lle poñería no guión que Marx, filósofo da Renania, foi posto na práctica por Lenin na máis avanzada revolución que coñeceron os séculos. - que a URSS constituiu, con Yugoslavia, un perfecto intento de estado de convivencia multinacional. Non esquecería eu de lle facer pronunciar a Putin palabras hoxe prohibidas. Elas serían que Rusia, coa URRSS, heroicamente, lle fixo a Europa o mais inestimábel dos presentes. Derrotou militarmente (sen a axuda dos fascistas ucraínos, hai que o relembrar) o nazismo e o imperialismo alemán. - suliñaría o feito de que foron os soldadiños soviéticos os que agatuñaron á cúpula do Reichstag berlinés para espichar no alto unha bandeira vermella que indicaba que o fascismo acabara en Europa. - se o fascismo continuou en España e en Portugal non foi precisamente por culpa dos rusos nin dos soviéticos.

Digo eu que, si fose guionista de Putin e lle escribise cousas coma estas, habería alguén no seu arredor que me mandaría fora do staff. Naturalmente Putin non é comunista, pero está cargado de razón cando di que é impensábel unha Europa sen Tolstoi e sen Dostoievski (ou non foi así como el dixo?).

Compartir en Twitter
Compartir en Facebook

Suscriptor | Opinión

Contenido exclusivo para suscriptores digitales

POR RAFAEL L. TORRE

El Hotel Universo

Pontevedra conoció la modernidad en aquel establecimiento tan chic y disfrutó mucho de sus...

 
 

La calle que debe ser para Pepe Simón

La clase política, ya se sabe, no acostumbra a tener buena memoria....

 
 

JUAN JOSÉ MARTÍNEZ JAMBRINA*

Proust en el olivar de Saramago

El análisis de los psicoanalistas de los llamados "locos geniales"

 
 

MIGUEL ÁNGEL MARTÍNEZ COELLO

Orense Balneario tiene mar

Orense Balneario tiene mar. Es una localidad integrante en el partido de Tres Arroyos, al sur...

 
 

PILAR GARCÉS

Las dos Españas de Sabadell

La propuesta de quitar a Machado, Quevedo o Goya del callejero de la localidad catalana

 
 

PEDRO DE SILVA

Cargas de nuestra civilización

El objetivo del terrorismo, como su nombre indica, es provocar...

 
 
Enlaces recomendados: Premios Cine