Os permisos deberán atender básicamente a criterios ecolóxicos, á hora de informar favorablemente as cortas solicitadas por parte de Medio Ambiente. Deste xeito, a vexetación deberá manter contacto funcional co curso fluvial, conservando funcións de refuxio da fauna e flora da zona, hábitat axeitado para as especies piscícolas, alimentación, refuxio, sombra, etc. de especies asociadas ao ecosistema fluvial.
En segundo lugar, entre os criterios que fixa a consellería para autorizar a corta está o respecto ao "concepto de corredor de bosque galería como medio continuo axeitado na progresión do espazo das especies ripícolas tanto en lonxitude -co tramo superior do río-, coma en anchura, entre as beiras do mesmo".
