O momento máis emotivo da xornada chegou da man de Hakan Casares Berg, un dos fillos do escritor, que manifestou o seu agradecemento á RAG por ter elexido a súa propia escola para iniciar o programa adicado ao seu proxenitor. "Viñemos vivir a Nigrán no 1983 e foi aquí onde máis tempo da súa vida pasou o meu pai. Aquí escribiu a meirande parte da súa obra e a comarca era para el o seu refuxio. Viaxaba por todo o mundo e vir aquí era para el un remanso de paz". Falou do "gran valor" que o colexio de Vilariño tivo para el e para o seu irmán Christian. "Fomos moi felices aquí, xogamos moito e fixemos grandes amigos", destacou.