"30 veráns xogando" en Ourense

13.08.2017 | 06:26

Durante os últimos trinta anos e de maneira ininterrompida vimos gozando dos campamentos urbanos na nosa cidade de Ourense. Este verán, entre o 1 e o 11 de agosto, foron 986 nenos e nenas, adolescentes e xente moza cantos participaron nesta oferta libre, aberta e gratuíta.

O obxectivo é poder descubrir, co Campamento Urbano, unha cidade chea de recursos para gozar do tempo libre, para coñecer persoas e entidades que traballan nela e que fan posible que o pasemos ben, para coñecer espazos e actividades moitas veces descoñecidas ou pouco coñecidas, para aproveitar o tempo de lecer, para facer novos amigos e amigas, para xogar e cantar..., e para rexuvenecer a nosa querida Auria.

Desde a organización do XXX Campamento Urbano queremos transmitir o noso agradecemento a quen fixeron posible que este proxecto se puidera levar a cabo un verán máis:

Grazas a todas as nenas e nenos, mozas e mozos que vivistes e gozastes desta aventura do Urbano.

Grazas ás familias que depositastes a vosa confianza en nós.

Grazas aos 157 voluntarios e voluntarias que dedicastes o voso tempo aos demais.

Grazas á Concellería de Xuventude do Concello de Ourense e a Deputación Provincial polo seu apoio.

Grazas á Obra Salesiana de Ourense polo seu apoio, paciencia e doazón desinteresada en todo momento.

Grazas ás persoas particulares, aos organismos públicos e privados e ás 121 entidades (algunhas delas dende o anonimato) que apostastes de diversas maneiras por este soño de Amencer.

Grazas aos medios de comunicación social que anunciastes e informastes deste campamento á cidadanía, en concreto ao FARO DE VIGO.

Grazas, en definitiva, a todas as ourensás e ourensáns que soñastes connosco unha forma alternativa de gozar do verán na nosa cidade.

Sen a vosa colaboración, o milagre do Urbano non sería posible.

Por outra banda, tamén pedimos disculpas se polo desenvolvemento do Campamento Urbano creamos algunha situación non desexada á cidadanía nesta primeira quincena de agosto.

Ata o próximo verán!

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine