cartas al director

Xestión e vocación

06.08.2016 | 05:27

Vaille parecer a vostedes que non sei porque demontres me deu por xuntar hoxe estas palabras. Pois ten a súa razón de ser. A ver se adiviñan a quen me refiro, porque lle poden quedar ben, e, eu diría que lle son imprescindibles para exercer a súa función. Se reflexionaron un pouquiño, está claro que se trata das persoas que se dedican á política.

A palabra xestión, do latín gerere, gestio (levar, facer, ejecutar, exercer...), fai referencia á acción e á consecuencia de administrar. Administrar, abarca as ideas de gobernar, dispoñer, dirixir, ordenar, organizar? É a asunción de responsabilidades sobre un proceso. Hai moitas clases de xestións. A máis importante para supervivencia dun Estado é a política. A ela témoslle que aplicar o verdadeiro significado de todos os verbos citados.

Por outra banda, a vocación ven das palabras latinas vocare, vocatio (chamar, chamado). É a inclinación natural que unha persoa ten para realizar determinadas accións na vida social.

Estamos a pensar en política. O primeiro que debe ter una persoa política é vocación. Que clase de vocación? Por sentido común ten que ser a de servir ó pobo. Unha inclinación permanente de estar ó servizo do pobo.

Coa vocación teriamos adiantado un bo camiño no campo da política. Con vocación a xestión faise máis doada. Faríase un traballo de xestión decente e honrado. Administraríanse correctamente o recursos e as xenerosas aportacións dos contribuíntes.

Señores políticos!, mediten un pouco no significado destas palabras. Hai moito pesimismo nos cidadáns. Nunca houbo tan pouca vocación e tan mala xestión polo que estamos a ver. Penso que en moitos a inclinación non é de servir ó pobo senón ó partido. Todo o que se fai está pensado para o voto. Así saen as xestións. Os que non teñan verdadeira vocación deberíanse ir dunha vez. Que teñan vergoña e conciencia, e administren con honradez o diñeiro de todos para que ninguén no país o pase mal.

Hai demasiados organismos e políticos para entenderse ben. Díganme vostedes se ten verdadeira vocación, por exemplo, os que lle regalan un posto no Senado ou nas deputacións. Estanos a parecer normal? Así, e ademais, se multiplican organismos innecesarios para entorpecer unha administración eficaz e limpa. Aquí é onde a Constitución tiña que meter as texoiras. Eses serían uns bos recortes progresistas e non outros que nos fan volver para atrás. Convencidos que estas palabras están ben emparelladas? Viron o motivo? Grazas.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine