Vigo, Pontevedra e o novo DNI

01.09.2015 | 04:02

Din as noticias que o novo DNI electrónico chegará a Vigo tres meses máis tarde do que o fará á boa vila. E por que razón? Pois, por cal vai ser, pola de sempre, que Pontevedra é a capital e Vigo a sucursal.

¡Manda carallo na Habana! Pero, señores míos, que xa non estamos no século XIX. Como se pode permitir que á primeira cidade de Galicia se lle dea este trato, ninguneada e aldraxada do xeito máis impune? Ou acaso era tan difícil facer coincidir as datas en ámbalas dúas cidades sen ter que asistir a este espectáculo gratuito e noxento?

Señor Caballero, alcalde de Vigo, diríxome a vostede como máxima autoridade da cidade para que unha vez máis eleve o tono e dígalle ós catro ventos que os vigueses estamos fartos e non soportamos por máis tempo que se fagan cousas semellantes.

É necesario un plan automático de reacción diante destes atropellos e non dar a calada por resposta, aínda que nos parezan feitos de menor cuantía, e poñer en valor a nosa autoestima xa que empézase por pouco e, como calan?, pois así nos vai.

Hai que dicirlle ó Sr. Feijóo que aínda estamos a esperar as xestións necesarias para que Vigo acade o Estatuto de Capitalidade, tantas veces prometido -e ó noso alcalde a obriga de lembarllo-, que lle pertence por, entre outras razóns, ser a primeira cidade de Galicia dende o punto de vista poblacional, ser un dos motores máis importantes do desenvolvemento económico do noso país, ser un referente galego en eidos tan importantes coma a pesca, coa sede do máximo organismo europeo, na automoción, no turismo, etc., e porque Vigo é un caso único en España onde unha cidade triplica en número de cidadáns a súa capital de provincia.

Porque dunha vez por todas estamos cansos de ter que pedir por todo o que a outros dáselles "de oficio". Como di o refrán "o que non chora non mama" e aquí hai moitos que chupan da teta sen botar unha lágrima, mentras que outros non maman aínda que boten ríos delas.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine