Venga a nós

Eulogio Artos Fernández - Redondela

06.03.2013 | 07:30

Tíñalles eu un tío (Q.E.P.D.) con certa tendencia anticlerical no seu pensamento. Dicía el que os curas eran moi amigos do "..venga a nós tu reino..." E remarcaba o "...venga a nós..." Quen me coñece sabe de abondo que eu non comparto aquelas opinións, pero hoxe acáeseme moi ben esa expresión para o que quero escribir.
Resulta que o Concello de Vigo acaba de prohibir os circos cos animais. Noraboa. Éralles mesmo a maior preocupación de tódolos vigueses. En Vigo non hai paro, hai vivenda digna para todos e xa podemos empezar a pensar no benestar de elefantes, tigres e canciños. Disque é polas molestias que causan, pola suciedade... Non o crean. Iso non lles é así. As razóns son outras.
Os nosos gobernantes (destes e doutros tempos) son e foron sempre amigos dos monopolios. No Campo de Granada hai tempo que ten instalación permanente un circo con animaliños ben chuscos. Andan ós pinchacarneiros, parece que rin, ás veces case semella que queren chorar e chegan a arrepoñerse se outro bichiño do circo lles arregaña os dentes. Só lles falta falar... (ó mellor, ata falan demasiado). Con semellante panorama, ¿pensan vostedes que se podería permitir a competencia e que se instalase na cidade outro circo? Como dicía meu tío: "...venga a nós..." Pero na Praza da Súa Maxestade acrecentaron algunhas palabriñas: "...venga a nós e soio a nós..."
Ó final, aqueles a quen non quixeron os ricos e poderosos teñen que buscar refuxio onde sempre os han acoller. Non esquezamos que con San Roque vai sempre un canciño; San Xulián leva un paxariño na man; o patrono dos animais é San Antonio? e San Francisco de Asís ten ó seu carón ó lobo de Gubbio, o irmán lobo.

S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine