A librería Don Bosco acolleu a presentación dos cadernos "Para animar en galego, sen escusas nin atrancos" e "Cousas sobre Bóveda" da Comisión Xalgarete da Asociación Xuvenil Amencer, de Ourense.
"Todos os centros xuvenís de Galicia teñen na súa identidade o uso e a defensa da cultura galega. Deste xeito nace o caderno "Para animar en galego, sen escusas nin atrancos", unha publicación na que os animadores nos contan os seus medos e atrancos a usar o galego na animación do tempo libre", manifestan dende a aasociación xuvenil Abertal de Vigo.
O segundo caderno trata sobre Alexandre Bóveda, político republicano pertencente ao partido galeguista e pai do primeiro Estatuto de Autonomía, vencellado de cativo ó Oratorio dos Salesianos, xerme do que hoxe é a Asociación Xuvenil Amencer. Asociación irmá da nosa, Abertal.
Na presentación do caderno interviñeron dous escritores da publicación, cada un afondando en diferentes ámbitos da vida de Bóveda: Abel Caballero e Manuel Lence.
Político, cristián e solidario
- O alcalde de Vigo, Abel Caballero, escritor no caderno, presentou ao Bóveda político, un home que foi asasinado por defender a democracia neste país. Xosé Manuel Lence, párroco da Ramallosa amousou o Bóveda cristián. Un home a quen a fe lle axudou a manter a paz e ata perdoar a quen o 17 de agosto o asasinou. Por último , tomou a palabra Elvira Rivas, coordinadora da Asociación Érguete, e que falou do traballo incansábel da súa asociación en prol dun colectivo desfavorecido, como é o dos enfermos de drogodependencia.
