O actor Federico Pérez, un dos "+Cuñados", comparte anécdotas en Vigo esta fin de semana
O intérprete, protagonista do filme con Touriñán e De Lira, estará este domingo en dous coloquios no Multicines Norte e nos Yelmo Travesía
A segunda parte da longametraxe galega e en galego "Cuñados" xa está nas nosas carteleiras e o equipo anda tolo por Galicia na promoción de "+Cuñados". Esta fin de semana, o actor Federico Pérez visitará Vigo para manter dous coloquios cos fans.
As citas son este domingo día 21 no Multicines Norte no pase das 17.40 horas e nos Yelmo Travesía ás 18.15 horas. Será un momento idóneo para preguntarlle polas anécdotas da rodaxe desta comedia.
Unha vez máis, os tres cuñados se presentan a unha lea de problemas que mesmo os poden levar ao cárcere. Estes tres pedazos de pan volverán liala sen querer unha e outra vez. Un cadáver aparece na Ponte Internacional sobre o Miño entre Tui e Valença. Haberá que ver a película para saber se teñen algo que ver co asunto.
Nunha entrevista con FARO, Touriñán amosábase moi contento co resultado desta segunda entrega ao tempo que animaba a produtoras e directores a facer máis películas de comedia na Galicia.
A película foi rodada en Ourense e recrea o Entroido da cidade cun elenco no que tamén figuran María Vázquez, Iolanda Muíños, Mela Casal ou Eva Fernández con guion de Araceli Gonda e dirección de Luis Avilés. Na historia do cinema en galego é a estrea en Galicia que se verá en máis salas, 34. A estas, hai que sumar otras 11 fóra da nosa comunidade.
Temas
Más en Sociedad
-
Madrid Car Experience llega a IFEMA Madrid: ¡Come, baila y prueba los mejores coches del momento!
-
Jordi Vila, el inventor de la fregona Vileda, vuelve a innovar con el cubo de fregar con agua siempre limpia
-
Aumenta el cáncer de mama en mujeres menores de 50 años por los estilos de vida
-
E ti, xa es do club do galego?