Román Pereiro, académico de honra de Belas Artes
A súa elección susténtase no seu apoio e defensa da arte galego mediante tarefas de crítica, comisariado e coleccionismo
O coleccionista Román Pereiro Alonso resultou elixido Académico Honorario da Real Academia Galega de Belas Artes, trala sesión celebrada o día 25 de febreiro de 2023 e despois da votación regulamentaria.
A súa elección susténtase no seu apoio e defensa da arte e do patrimonio galego, mediante tarefas fundamentalmente de crítica, comisariado e coleccionismo.
Román Pereiro, médico e patólogo de profesión, coleccionista, amante da arte e persoa influínte na arte galega do século XX, reuniu aos artistas do movemento Atlántica e posibilitou que amosaran a súa obra en diversos espazos.
Coleccionista apaixonado, xunto coa súa muller Malena Lepina, foi creador de iniciativas na Finca O Toutizal durante os veráns co nome de Baiona Horizonte Atlántico, que resultaron ser verdadeiros happenings nos que se reunían multitude de figuras do mundo da Arte e nos que se expoñía un artista compartindo os seus traballos cun escritor galego; destes encontros foron editados, ademáis, catálogos e carpetas de obra gráfica con poemas e relatos.
Así mesmo dende a tenda de Aguatinta, dirixida pola súa muller, editáronse pequenos libros de serigrafías de artistas plásticos acompañadas por textos de escritores galegos.
Temas
Más en Sociedad
-
La Universidad Alfonso X el Sabio es una de las tres mejores universidades para estudiar farmacia de España, según la Fundación CyD
-
La primera futbolista española, Ana Carmona, ya tiene su sello
-
El día a día de la violencia vicaria: "Mi ex usa a mis hijos como bombas contra mí"
-
Martín Berasategui, cocinero: "Tengo claro que no soy más que nadie, pero tampoco menos"