"A nosa oferta son libros de gran valor a un prezo de crise"

Despois de Allariz, Pontevedra será o segundo escenario do Outlet do Libro Galego, unha cita convocada polas editoriais para facer frente a crise e que hoxe abrirá as súas portas no Café Moderno.

—Que propón este Oulet do Libro Galego?

—O que propón e unha oferta moi extensa, con máis de 900 títulos, de libros que teñen un gran valor pero xa esgotaron un ciclo comercial e xa non están nas mesas de novidades nin nas librerías, entón é unha oportunidade de ouro para conseguir libros ademais a un prezo moi moi asequible.

—Na oferta tamén se inclúe a ilustración.

—Si, así como Outlet é a segunda edición (fixemos a previa en Allaríz) neste caso a ilustración é a primeira vez que se incorpora ao Outlet. Entre láminas e orixinais hai máis de 100 referencias de 10 autores distintos.

—Cal será a oferta de prezos?

Unha gran categoría abrangue o 90% da oferta e é: se levas un libro son 3 euros, se mercas 2 son 5 euros e se mercas 5 son 10 euros, e decir, varía o precio unitario dende 3 ata 2 euros.

—Qué xéneros poderán atopar os lectores?

—Todos, a oferta é moi variada, temos unha gran oferta de libro infantil e despois todos os xéneros, poesía, ensaio, pensamento, filosofía, natureza, guías, unha oferta moi ampla. Son ademais moi actuais, non hai novedades por suposto pero son actuais, eso é o que trato de decir cando digo que son libros con gran valor, e hai libros que son preciosos, en formatos grandes, singulares, capa dura, catro tintas, hai una oferta de gran calidade. Os dous rasgos que caracterizan a oferta que facemos nós é que son libros de gran valor e a un prezo de crise.

—A cultura é un sector especialmente afectado pola crise, pero paradóxicamente non tanto o mercado do libro...

—Con toda sinceridade, hoxendía non hai ninguna empresa que viva do mercado interior que non note a crise, sería casi cínico decir que non notamos a crise, pero o que é lector sempre o fai, a persoa lectora sempre lee con máis ou menos sacrificio do seu peto pero non renuncia a ese pracer.

—Cantas editoriais estan representadas no Outlet?

—Somos 14 editoriais, e dúas librerías locais de Pontevedra (Paz e Seijas) son os que xestionan o espacio, os que levan a xestión comercial do espazo, é o mesmo tandem que levará a tenda do Culturgal ou do Salón do Libro Infantil, é un tandem con moita expriencia de traballo conxunto.