Na parroquia de Bembrive no barrio de Chans, nunha contorna natural rodeada de vexetación e natureza, a nosa escola goza de marabillosas vistas da cidade e da maxestosa ría. Neste privilexiado lugar unimos esforzos profesorado e familias para construír unha escola:
- Inclusiva, cooperativa e emocionalmente intelixente
- Participativa e aberta ás familias, á contorna e ás institucións.
- Disposta a preparar ao alumnado para unha sociedade cambiante.
- Acolledora, que favoreza ambientes de traballo serenos que faciliten o diálogo e as relacións positivas.
- Aberta ao mundo e na que se goce da aprendizaxe.
Para levar adiante este apaixoante proxecto educativo contamos cos seguintes recursos:
- Un claustro formado por 25 profesores e profesoras no que se valoran, especialmente, as boas relacións, a investigación e a formación.
- Unhas instalacións nas que ademais das aulas dos distintos cursos temos unha biblioteca, un aula de música, aula de informática, aula de idiomas, aulas de apoio, titorías, aula de psicomotricidade e pavillón polideportivo.
- Tamén contamos con diversos patios de recreo e xardíns que contan cunha gran variedade de árbores e plantas.
- Todas as aulas están dotadas de videoproxector, ordenador portátil e conexión a internet.
Outros servizos
- Comedor de xestión directa que elabora diariamente, nas súas instalacións, comida para máis de douscentos alumnos e alumnas, ofrecendo unha dieta equilibrada e de gran calidade.
- Transporte escolar, temos seis liñas de autobús: catro percorren distintas zonas do centro de Vigo e dúas a parroquia de Bembrive
- Servizo de gardería matinal, “Os primeiros da escola”, que funciona dende 7:30 ata as 9.00 horas
Outra información de interese:
- Participación no "Programa Educación Responsable" da Fundación Botín, que promove o desenvolvemento da creatividade e das habilidades socioemocionais.
- Seccións bilingües. Dende 4º a 6º de primaria a materia de Plástica impártese en Inglés.Participación dende o curso 2009-2010 no Plan de Mellora de Bibliotecas Escolares.
- Grupo de pandereteiras e pandereteiros, Obradoiro de xornalismo …
- Página web: http://www.edu.xunta.es/centros/ceipchansbembrive/
- Email: ceip.chans.bembrive@edu.xunta.es
- Dirección: Camiño do lecer s/n 36313, Vigo
- Teléfono: 886 111 141