“Crise climática ou crise do sistema?”, novo ciclo de conferencias do IEM
Comeza mañá con Emilio Fernández Suárez, catedrático de Ecoloxía da Universidade de Vigo
No marco dos actos do seu vixésimo quinto aniversario o Instituto de Estudos Miñoráns (IEM) organiza un novo programa de faladoiros titulado “Crise climática ou crise do sistema?”, centrado na análise da situación ambiental e da sucesión de colapsos previstos nas próximas décadas.
Expertos de recoñecido prestixio afondarán na crise sistémica, nas súas causas e posibles solucións no local do IEM as vindeiras semanas. O catedrático de Ecoloxía da Universidade de Vigo Emilio Fernández Suárez abrirá o ciclo mañá venres, 5 de abril, cunha conferencia titulada “Crise ambiental acelerada e global no presente contexto socioeconómico” ás 20.00 horas. Falará do reto de compatibilizar a suficiencia enerxética, a seguridade alimentaria e o mantemento da funcionalidade dos ecosistemas mentres as condicións ambientais cambian de xeito acelerado.
A palestra servirá para debuxar o contexto das seguintes conferencias do programa mediante unha serie de indicadores que ilustran a magnitude e a escala dos cambios ambientais que experimenta o planeta desde a Revolución Industrial, para centrarse nun dos máis coñecidos actualmente, relacionado coa emisión de gases de efecto invernadoiro.
Temas
Más en Comarcas
-
Un portugués en sentido contrario provoca un accidente en la A-55 en Tui
-
Activado el plan de calor por provincias: Pontevedra estará en riesgo con 28,9 grados y Ourense, con 37,4
-
Detenido un vecino de O Rosal acusado del cobro irregular de 10.600 euros en ayudas al alquiler
-
Últimas noticias de Vigo hoy, en directo