O nigranés doutor en Bioloxía Juan Hermida, profesor da materia no IES Val Miñor e exconcelleiro de Medio Ambiente do seu municipio, encabeza a única candidatura presentada para renovar a directiva do Instituto de Estudos Miñoráns. Aínda que o prazo para impugnala está aberto, todo apunta a que asemblea referendará a súa lista o vindeiro día 26 ás 19.30.
Hermida relevará no cargo a Xulián Maure e a súa lista mantén históricos da entidade coma Xosé Lois Vilar, Xilberte Manso e Antonio Soliño como vicedirectores; Pablo Casal no cargo de secretario ou Marcos Buceta no de tesoureiro.
