Co recoñecemento aos 28 deportistas de Tui que participaron en competicións internacionais de atletismo, fútbol, judo, kaiak polo, piragüismo, remo e tríatlon o ano pasado comezou a oitava Gala do Deporte organizada polo Concello de Tui para recoñecer publicamente o mérito e esforzo de todos eles. Que Tui é berce de deportistas demostrouse coa entrega de premios en ata 13 categorías. Destacaron especialmente por estar no máis alto, a futbolista Sara Tui, o remeiro Rodrigo Conde e o triatleta Gustavo Rodríguez. Con todo tamén houbo recoñecemento para o punto de partida, o deporte base. Nesta edición o galardón desta cateogría foi para o Judo Club Tudense, que en cinco anos pasou de 14 rexistrados a preto de 300.
