O CPR Sta. María Maristas de Tui celebrou a Semana da Ciencia e a Tecnoloxía. O centro acolleu numerosas exposicións que, por distintos recunchos, encheron o centro de Ciencia. Houbo exposicións moi variadas: "The five senses" de 1º E.P; maquetas dos Aparatos do Corpo de 2º E.P; O Sistema Solar de 3º; os alumnos de 4º fixeron uns "displays" sobre os Climas do Mundo; os de 5º "flipbooks" sobre O Planeta Terra no Universo e os de 6º "lapbooks" sobre os Seres Vivos.
Os escolares de Secundaria expuxeron no recibidor o seu proxecto "Viaxamos ao Espaz"o e as maquetas sobre As Capas da Terra; os de 2º deron charlas sobre a Reciclaxe aos máis pequenos, ademáis de ser os encargados do recuncho "Recicla", no que a través dun concurso animaron aos compañeriros a reciclar. Os alumnos e alumnas de 3ºESO fixeron as maquetas sobre as Células e os traballos de opinión feitos sobre Os Plásticos e os de 4º da ESO, mostraron os seus traballo de opinión sobre "As redes que enredan" e foron os que levaron a cabo os experimentos
En definitiva, foi unha semana chea de actividad e de actividades, nas que aprenderon moitas cousas. As distintas exposicións estiveron abertas as familias toda a semana.