O alumnado do CEIP de Chans Bembrive celebrou un concerto enmarcado no Programa de Educación Responsable impulsado pola Consellería de Educación e a Fundación Botín. O programa está creado para favorecer o crecemento socioemocional e da creatividade a través das artes.
Un dos recursos que presenta é a creación dun coro, O coro das Emocións. O obxectivo é desenvolver habilidades sociais e emocionais a través do canto en grupo. A actividade pretende a integración de todo o alumnado, a mellora da súa autoestima e o reforzamento da idea de grupo.
Na escola formáronse tres coros: Un co alumado de 5 anos, outro formado polos nenos e nenas de 3º de primaria e o último co alumnado de 5º de Primaria. Na actuación final, á que acudiron representantes de toda a comunidade educativa, interpretáronse nove pezas coráis acompañadas por un grupo de catro músicos da cidade (Isabel Gil ao piano, Lucía Verde e Kike Carrera coa guitarra e Rubén Comesaña na percusión).
Foi un concerto no que os cantores conseguiron emocionar ao público a través da música e o movemento e gozaron da súa propia interpretación cumprindo amplamente os obxectivos da actividade.
