A Mostra do Posible elixe a Cangas como lugar de encontro de empresas e movementos sociais

O evento contará con postos informativos sobre cinco liñas temáticas - Xa está confirmada a presenza de 14 colectivos - Será o 7 e 8 de outubro nos xardíns do Señal e no Concello

10.08.2017 | 02:57
Elisa Pérez, Xosé Manuel Pazos e David Esperón, onte na presentación da Mostra do Posible. // G.N.

Cangas é o escenario escollido para a Mostra do Posible, unhas xornadas sobre alternativas reais que terán lugar o 7 e 8 de outubro. Este evento está organizado pola Rede de Solidaridade Popular de Vigo (RSP) e o seu obxectivo é ser "un punto de encontro de empresas de economía social e de movementos sociais", explican os seus organizadores.

Ata o de agora hai 14 colectivos confirmados, aínda que o prazo para inscribirse remata o 15 de agosto. Poden participar entidades que traballen dende o individual, pero a súa presenza terá menos prioridade que as colectivas. A participación no evento é, ademais, completamente gratuíta. Esta Mostra do Posible foi presentada onte no Concello de Cangas, coa presenza do alcalde, Xosé Manuel Pazos, e dous membros de RSP, David Esperón e Elisa Pérez.

Esta evento estará dividido en dúas líñas: postos informativos e outras actividades varias. Cada colectivo terá o seu posto asignado e poderá presentar o seu proxecto, produto ou servizo. Por outra banda, as actividades consistirán en mesas redondas, charlas ou obradoiros. Nelas afondarase nos aspectos de interese de cada temática tratada. A Mostra do Posible estará dividida en cinco seccións temáticas: economía, traballo e finanzas; saúde, alimentación e coidado do entorno; educación, cultura e medios de comunicación; urbanismo, abastecementos e refugallos; e dereitos sociais. Os postos estarán situados nos xardíns do Señal e as actividades serán no edificio do Concello.

O coordinador da Mostra, David Esperón, confirmaba xa tres actividades que se levarán a cabo neses días. En primeiro lugar, un obradoiro impartido polo colectivo Ecoar. Tamén unha asemblea da Rede de Economía Alternativa e Solidaria (REA)S e, por último, a presentación da Revista Galega de Educación. As actividades iránse engadindo a medida que máis colectivos confirmen a súa participación na Mostra do Posible e propoñan diferentes ideas.

A iniciativa pretende acadar dous obxectivos. Ante todo, trata de servir como espazo de encontro entre colectivos e entidades de economía social que buscan a transformación do mundo nun lugar máis solidario e colaborativo. Ademais, pretenden amosar á cidadanía que hai alternativas reais e sociais para as temáticas que se van tratar nas xornadas.

Unha sociedade máis xusta

O principal é lograr "construir unha sociedade máis xusta", afirma Esperón. Engade que "a intención é visibilizar que xa hai, desde a economía e os movementos sociais, colectivos que están traballando para crear estas alternativas e ferramentas que axuden a converter a sociedade nunha máis xusta."

O evento é unha iniciativa da RSP en colaboración co Concello de Cangas. Contan con 54 redes en toda España e en Vigo levan traballando dende fai catro anos. A voceira da asociación, Elisa Pérez, destacaba os seus dous principios fundamentais. En primeiro lugar, "o respecto a outros colectivos que están traballando polo benestar social". O segundo é "a nosa columna vertebral, a solidariedade". Puntualizaba que non promoven a caridade, senon a solidariedade. Divídense en varios grupos de acción, cada un adicado a un tema en concreto, como por exemplo, axuda psicolóxica, xurídica e despensa de alimentos.

Xosé Manuel Pazos quixo agradecerlles "o pensar en Cangas á hora de organizar o evento". Destaca que a Mostra atraerá a moitas persoas e que trátase de toda unha honra para a vila. "Procurarase que Cangas esté a altura", sentencia.

Compartir en Twitter
Compartir en Facebook

Deportes Morrazo

El CN Rodeira organiza este fin de semana la Milla Náutica y la regata de las fiestas

El CN Rodeira organiza este fin de semana la Milla Náutica y la regata de las fiestas

Se espera que 120 nadadores participen en la prueba de mañana

El CD Moaña mide su nivel ante el SC Vianense

El CD Moaña mide su nivel ante el SC Vianense

Tras el choque, se presentarán ante el público todas las plantillas

Homenaje a Andrés después de 21 años en el Alondras

Homenaje a Andrés después de 21 años en el Alondras

El club le entregará una placa el domingo, antes del arranque del primer partido de liga

Cabo da Cruz impone su ley en las aguas de Santa Cristina

Cabo da Cruz impone su ley en las aguas de Santa Cristina

Puebla y Ares marcaron el segundo y tercer mejor tiempo

El Cangas empata en su segundo choque de preparación

El Cangas empata en su segundo choque de preparación

Los cangueses firman (29-29) ante un Aguas Santas que está más rodado

 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Suscriptor | O Morrazo

Contenido exclusivo para suscriptores digitales
Los apicultores dejarán de retirar nidos de velutina para los concellos

Los apicultores dejarán de retirar nidos de velutina para los concellos

Dicen que no dan abasto -Ayer retiraron 6 en Cangas y desde marzo ya contabilizan un total de 255...

Enlaces recomendados: Premios Cine