A vicepresidenta de Adicam, Duli Lagoa, acompañada por representantes dos concellos de Cangas, Moaña, Bueu e Marín, inauguran ás cinco desta tarde as XIV Xornadas sobre o Cancro de Mama que organiza a Asociación de Diagnosticad@s. A primeira ponencia será de Ezequiel González Patiño, do Servizo de Radioterapia do Hospital Universitario de Santiago, que falará sobre "Radioterapia en cáncer de mama". A continuación, Román Pérez Fernández, profesor da Facultade de Medicina disertará sobre "Investigar en cancro de mama" e pechará a xornada a oncóloga médica do CHUVI Isaura Fernández falando de "tamoxifeno: Metabolizadores lentos e ultrarrápidos", previo ao turno de preguntas no salón de plenos. Na xornada de mañán trataranse a fertilidade despois do cancro, o tratamento do linfedema e a unidade de mama do EOXI.
