EN DIRECTO
CARLOS AYMERICH - Voceiro parlamentario do BNG 

"O noso proxecto segue a ter vixencia, non temos que cambiar de discurso"

"Hai moitos compañeiros capacitados e con experiencia para ser o voceiro nacional"

 
Carlos Aymerich, na sede do Grupo Parlamentario do Bloque en O Hórreo.
Carlos Aymerich, na sede do Grupo Parlamentario do Bloque en O Hórreo.  Xoán Álvarez

XERARDO PORTO - SANTIAGO En pleno proceso de renovación do BNG, recunca como voceiro parlamentario. Carlos Aymerich agarda unha lexislatura moi dura, polos precedentes doutras maiorías absolutas do PP e polas medida que “o señor Feijóo” vai anunciando. “O Bloque fai seguir defendendo o que defendía antes”, asegura, convencido de que a formación saiu reforzada despois do 1-M.

–Xa está preparado para o cambio de discurso?

–Cambiamos de posición, pero non de discurso. O BNG vai seguir defendendo o que defendía antes desde o Goberno, pero na oposición. Imos defender os intereses do país, que é o mesmo que defender os intereses da maioría social: aqueles que son golpeados pola crise.

–Cal será o estilo do portavoz?

–Unha oposición rigurosa, seria, pero tamén moi firme. Porque polo que representa o PP e polo que imos coñecendo do señor Feijóo, estamos nas antípodas. Somos a antítese do PP. Nós entendemos que hai que gobernar para os intereses das maiorías e non para os grandes empresarios, que Galicia debe gobernarse desde aquí e non desde Madrid; e que os nosos sinais de identidade non deben ser obxecto dunha dialéctica política de corto alcance partidista senón de promoción, defensa e uso sen complexos.

–Con ese discurso, baixaron miles de votos nas eleccións.

–Hai moitos elementos que poden explicar o resultado. Quizais houbo problemas na transmisión da labor do Goberno ou das alternativas para a sociedade. Pero seguimos acreditando na vixencia do noso proxecto, e que nel teñen cabida a inmensa maioría dos galegos. Non tería moito sentido analizar o resultado en clave de dicir: temos que cambiar. O proxecto do BNG segue tendo plena vixencia, e penso que está chamado a dar moitos réditos a esta organización.

–A mensaxe de unidade que saiu do último Consello aínda corre o risco de quebrar?

–Cada vez menos. Precisamente esa mensaxe do Consello do 14 de marzo vai calando máis na militancia, na pluralidade de sensibilidades que hai dentro do BNG. Se algunha virtude ten o nacionalismo é a partir desa unidade, e a partir de cuidarmos un instrumento como é o BNG. Todos estamos actuando con moita responsabilidade e moita xenerosidade. E o resultado da próxima Asamblea do 10 de maio vaia ser bo.

–Beiras, Quintana, Paco Rodríguez… Onde ten que acabar a renovación do BNG?

–Está todo por falar e está todo por decidir. O que temos que decidir é como organizamos e preparamos o BNG da mellor maneira para afrontar os retos que temos por diante. Non só traballar na oposición do Parlamento, senón tamén importantes responsabilidades municipais que queremos renovar e ampliar nas eleccións do 2011 e tamén nas Cortes Xerais, onde temos que seguir defendendo os intereses de Galicia. Temos retos importantes por diante.

–Non contestou. Logo Beiras, Paco Rodríguez e Quintana teñen que deixar paso.

–Eu non dixen nada diso. Creo que a renovación non se pode ler só en clave de persoas. É evidente que a renovación ten que ter unha visualización que a sociedade debe percibila, pero non fariamos ben se afrontamos este proceso poñendo condicións, ou facendo depender o éxito ou fracaso do proceso de que estean ou non persoas que teñen feito e traballado moito polo nacionalismo e todas elas teñen aínda moito que dicir no BNG.

–Beiras vai por libre, facendo campaña entre os militantes

–Eu creo que cada quen pode expolicar a súa alternativa, o seu propio punto de vista, pero o importante e

que despois cada un, pulsando o sentir do BNG, sexamos capaces de chegar a acordos. Xosé manuel Beiras e os compañeiros que están con él, igual que o resto de colectivos, estamos todos na mellor disposición de chegar a acordos e imos todos a actuar cunha gran xenerosidade, poñendo por diante o que nos une, o proxecto colectivo.

–Nese proxecto, é o mellor colocado para ser voceiro nacional?

–Iso son informacións que saen na prensa, e francamente non estamos no momento de falar de persoas. Estamos elaborando o regulamento da Asamblea, un documento político na que todos nos temos que sentior reflectidos. E xa chegará o momento de falar de persoas. Hai moitos compañeiros capacitados, e con experiencia, para afrontar esa e outras responsabilidades. Non é a nosa tradición, e sería bo mantela, personalizar os proxectos, senón falar de equipos. Cal vai ser a Executiva, o Consello Nacional, encargado de levar adiante a liña política.

–Cando se fala de correntes, vostede segue sendo quintanista?

–É unha denominación dun grupo de persoas que compartimos análises con Anxo Quintana, que traballamos desde xa hai tempo elaborando teses para que o BNG, dentro da súa pluralidade, sexa cada vez máis BNG. Hoxe non se podería explicar o BNG só coa suma de colectivos ou partidos, o BNG ten unha identidade propia como tal. En definitiva, é una organización de afiliación individual. Ese é o nome que coloquialmente se nos da, e non pasa nada.

–Semella que a culpa se lle quere botar á UPG.

–Non, non. Mediáticamente é moi cómodo buscar unha especie de demo, levado ás veces nalgúns xornais por un odio, non diría odio, pero si unha predisposición negativa cara o nacionalismo. Intenta encarnarse todo iso na UPG. Eu cada vez que se ataca á UPG, síntome atacado como nacionalista. Eu non son da UPG, pero é unha parte importante do Bloque.

  HEMEROTECA
Caja Negra        O Bichero         Floreano
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya