15 de agosto de 2016
15.08.2016

Adeus montes, adeus ríos...

15.08.2016 | 04:18

Cando Rosalía dicia: "Adiós ríos, adiós fontes?", o seu sentimento era polos que ían para as Américas, e igual tardarían moito ou, no peor dos casos, non volverían a ver os cristalinos ríos e as augas meigas das fontes da nosa terra.

Agora mesmo, mentras escribo estas letras estou rodeado de fume polos arredores, e non se pode respirar como é debido. Ano tras ano chegan as calores e xa está a pasar máis do mesmo.

No século XXI, se vivise Rosalía diría tamén, por desgracia: adeus montes, adeus?, adeus! Neste caso non é por abandonalos marchando, senón que os deixamos desaparecer estando ó lado. Isto é moito máis grave aínda.

Nos tempos de Rosalía non ardían os montes e fai uns cincuenta anos tampouco. Por que? Que está a pasar? Todos sabemos porque antes non ardían os montes. Limpábase a broza! Aproveitábase todo o que había no chan: toxos, carqueixas, piñas, leña; ata se arrancaban as raíces das árbores que se cortaben. Collíase o batume para estrar as cortes e facer o esterco. Prendíaselle lume ás silveiras que non se podían aproveitar e non pasaba nada. Agora toda a culpa a tén os pirómanos?

Todas estas labores facíanse á man, co foiciño e con carro de vacas. Por que agora non se saca esa broza (biomasa), que cando seca é coma a pólvora para os montes? Xa non se necesita o batume, claro. Agora faise o esterco nas casas, co que nos sobra, chámese "compos"?

É unha verdadeira vergoña que cos medios que temos hoxe non sexamos capaces de ter os montes limpos, aínda que só fora a metade cada ano. E que fai falta tanta imaxinación para sacar esa biomasa e darlle un uso? Para caldeiras de calefacción, centrales térmicas, facer estercos, etc, etc.

Se nos poñemos a mal pensar, parece que non interesa. E veña avionetas, helicópteros?, publicidade contra os pirómanos. Espectáculo, demontres! Un malgaste de cartos e os montes seguen ardendo.

Xa vai sendo hora de cambiar de política, señores responsables! Coa metade do diñeiro que se gasta e creando moitos postos de traballo acabaríamos co problema. Senón, volveremos a chorar pronto con Rosalía: " Adeus montes para sempre, adeus?"

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine