Alonso: o Galgo da Alza

13.08.2016 | 04:55

Quérome sumar a esa corrente de lembranzas que estes días percorren de boca en boca e nos medios de comunicación en memoria do noso atleta de Cabral, Manuel Augusto Alonso Rodríguez, co motivo do seu pasamento.

Este noso veciño ao longo da súa actividade deportiva, tanto a nivel estatal coma internacional, era coñecido co apelido paterno de Alonso. Pero saiban vostedes que os máis vellos de Cabral o chamaban tamén o Corredor ou o Galgo da Alza.

Ao neno Manuel Augusto quedoulle na retina as carreiras dos atletas do Veritas Sporting Club, adestrando pola Alza, e outros camiños, e axiña colleu o rastro das pegadas deixadas por aqueles heroicos atletas que tantos triunfos deportivos deron a Cabral na década dos anos trinta, en especial nas probas de campo a través (cross country), e votouse a correr polos camiños lameiros e montes da parroquia.

As primeiras carreiras deste futuro campión foron en disputa co tranvía da liña número tres, Cabral-Vitoria, primeiro na distancia de 2.000 metros, A Ponte-Escolas Nieto e despois na distancia de 3.000 metros, A Ponte-Alto do Seixo, onde estaba o colexio Santa Cristina, polo que o desprazamento á escola o facía competindo co tranvía, ao que sempre ganaba.

O primeiro equipo de atletismo do nativo da Alza será o Turista S. c., no ano 1948, pasando máis tarde ao Celta. O Celta disolve a sección de atletismo e Alonso se pasa ao Alerta F. J. e, de aquí, buscando novas vías de progreso deportivo e asesorado por todo un persoeiro do atletismo vigués, como é Alfonso Posada, no ano 1957 se marcha a Cidade Condal para fichar polo Barcelona.

De volta a Vigo, no 1966 e, de novo nas ringleiras do Celta, pon a súa experiencia e calidade para que o equipo máis representativo do atletismo de Vigo e de Galicia consiga durante catro tempadas consecutivas, 1966-1970 o Campionato de España de Cross de Clubs.

Alonso é un membro daquel fantástico trío de ases do atletismo galego xunto a Javier Álvarez Salgado e Carlos Pérez.

No tempo dá súa actividade deportiva o Galgo da Alza foi un dos mellores atletas do Estado español. E así o confirma o seu impresionante palmarés, imposible de amosar nesta escrita. Para darnos unha idea, dicir que foi 33 veces internacional, que ganou 8 veces o campionato de España de 3.000 metros obstáculos, Campión de Galicia de Cross, Campión de España de 5.000 metros lisos en varias ocasións, campión mundial de veteranos (40-45 anos) de 5.000 e 10.000 metros lisos... por citar só algúns dos seus logros deportivos.

O Galgo da Alza sempre tivo tempo para atender calquera demanda que desde Cabral se lIe facía. E así o miramos naquel sempre lembrado día, en que depositou a coroa de loureiro no monolito que Cabral chantou en memoria do Veritas Sporting Club, ou aquel outro día de 1995, en que estivo arroupado polo atletismo vigués na homenaxe que a Asociación de Veciños de Cabral lIe fixo ao Galgo da Alza, aproveitando a celebración do XIV Maratón Popular de Cabral, o Galgo da Alza, o noso Corredor, a través da súa vida foi agasallado en moitas ocasións, entre elas, co título inmaterial de 80 Exeneroso.

Que a terra te sexa leve veciño.

Compartir en Twitter
Compartir en Facebook
S.P.
Lo malo del embrollo que ha montado la Xunta con la sede de la fundación...
MANUEL BRAGADO
Vigo contou cun gran teatro en 1832. Foi o que na Princesa inaugurou o rico comerciante Velázquez Moreno...
 

Calendario laboral y escolar 2016/2017

Calendario laboral 2017 en Galicia

Calendario Laboral 2017 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2016/2017 .

 

Enlaces recomendados: Premios Cine