Segregación na educación infantil

Olegario Rodríguez Rial - Ourense

 20:52  

Comeza o curso escolar. De novo, estudarán e xogarán xuntos nenos e nenas de distinta condición económica e social; con pais e nais casados/as, separados/as, de dereitas, de esquerda,... do Barça ou do Madrid; e cada vez máis, de diversa procedencia, raza ou credo relixioso. Un ano máis, moitos seguiremos sen entender por qué as crenzas relixiosas se manteñen como a única causa e motivo para separar uns alumnos/as doutros. Coma consecuencia, as nais e pais non crentes ou pertencentes a relixións minoritarias veremos con desacougo e preocupación como os nosos fillos/as de 3 a 5 anos son segregados do resto de compañeiros de clase cando chega a hora de impartir a materia de relixión católica.
A vida dá moitas voltas. Imaxinemos que, por algún motivo, unha familia católica galega vese na obriga de se desprazar a un país con outra maioría relixiosa (xudía, musulmá, budista, etc). Se a regulamentación do ensino da relixión fose neses estados igual que aquí, os pais terían que decidir entre dúas opcións para os seus fillos/as, de seguro que ningunha delas satisfactoria: permanecer no grupo de alumnos e estudar os dogmas e a fe maioritaria, ou ser afastado dos seus compañeiros de clase e quedar ao coidado doutro profesor/a. ¿Como encaixarían isto? Indignados, dirían que a escola debera ser elemento de integración e nunca de separación; que os libros sagrados deberanse ensinar nos respectivos templos, xamais nun centro educativo público ao que acoden meniños/as de variada condición. Máis cedo que tarde, cualificarían de integristas ás autoridades do país que os acolle, sen se decatar que a discriminación que están a denunciar tamén se dá no da súa procedencia, pero nunca a sufriran en carne propia.

  HEMEROTECA
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya