Hoxe (18.15 horas, museo MARCO) será a terceira proxección da curta "Querido Tomás", unha produción de Uxía Blanco, Aba Filmes e Piruleta Vermella, rodada parcialmente en Touro (A Coruña), o pobo natal da actriz.
-Como xurdiu a idea de facer esta curtametraxe baseada nun relato de Xosé Neira Vilas?
-Xosé Neira Vilas, cada vez que me vía dicíame: "Tés que facer un monólogo do libro 'Querido Tomás' porque tí es a miña Sariña". Un día que ía visitalo a súa casa en Grés, decidín polo camiño facerlle unha proposta: "Se ti queres, facemos unha curtametraxe baseada no libro, pero ti tés que sair como actor". É aí empezou todo.
-A emigración é o tema principal, como "Sempre Xonxa" (1989), a túa primeira longametraxe. O tema atraete especialmente?
-Non sinto especial atracción polo tema da emigración pero conta moito na nosa história. A emigración é o Oeste do pobo galego. E mira tí cantas películas do Oeste fixeron os americanos!
-É certo que Neira Vilas pediuche con anterioridade que encarnaras algun dos seus personaxes literarios?
-A miña relación con Neira Vilas foi un frechazo desde o primeiro momento. Houbo un tempo no que eu ía ser a mestra na pelicula baseada no seu libro "Memorias dun neno Labrego". Xa choveu! Outra colaboración con Neira Vilas é un libro-disco que Galaxia acaba de sacar a lúz: " Pan, Nai, Lar ". Escoitase a miña voz lendo os textos de Nai, que son duna belleza extrema.
-Ista curta é un paso para a dirección de longametraxes?
-Vou paso a paso. Teño varios guións escritos, algúns de largos, pero quén sabe o que nos depará a vida. Eu siempre teño mil proxectos. De momento, estrearei otra curta o próximo mes.
-Foi unha dificultade engadida exercer de directora e actriz ao mesmo tempo?
-Claro que é unha dificultade engadida estar dos dous lados da cámara, pero tiven unha equipa estupenda empezando por la miña entrañable amiga e cineasta Fina Casalderey.
-Como foi traballar con Fina na pantalla e na preparación do guión?
-Traballar con Fina é unha experiencia única, positiva, de sumar sempre. Unha muller intelixente, traballadora e xenerosa, auténtica... Un luxazo.
-Qué percorrido terá o filme despois da súa exhibición en Vigo?
-Galaxia está interesada en vela pelicula e espero que despois teña un percorrido por institutos, universidades, colexios, centros galegos do mundo? Ademáis do seu percorrido por festivas. No Festival Internacional de Cine de Braga, "O Bragacine", déronnos o premio a mellor interpretación feminina.
-Cambiará dalgún xeito a túa relación co mundo da cultura logo de ser elixida na lista municipal do PSOE en Vigo?
-Eu siempre estiven vinculada ó cinema e seguirei estandoo. Non tiven que negociar isto porque o alcalde está totalmente dacordo. Desde a área que me encomenden -que aínda non sei cal vai ser porque a toma de posesión é o día 13- o que soño é contribuir para que a xente de Vigo gañe en calidade de vida.