María Oruña reivindicará a cultura cunha nova charla en Vigo no marco dos Premios Pardo Bazán
A sede da Deputación de Pontevedra en Vigo acollerá o 16 de abril unha charla coa ilustre autora de Porto Escondido, gañadora na categoría de Cultura dos II Premios Emilia Pardo Bazán no País das Rías
O evento, presentado por Guada Guerra e de entrada libre ata completar aforo, será unha estupenda oportunidade para coñecer de preto e en primeira persoa a obra da escritora viguesa
A coñecida escritora viguesa María Oruña, gañadora na categoría de Cultura dos II Premios Pardo Bazán no País das Rías, organizados por Faro de Vigo en colaboración coa Deputación de Pontevedra, protagonizará o vindeiro martes 16 de abril en Vigo unha charla-coloquio para reivindicar a importancia da cultura “que nos fai sentir menos sós”.
A cita, que terá lugar na sede da Deputación de Pontevedra en Vigo, ubicada no número 17 da rúa Eduardo Chao, dará comezo a partir das 19.00 horas con entrada libre ata completar aforo.
Coa xornalista Guada Guerra aos mandos da presentación, esta charla servirá para analizar a situación actual da cultura galega, ademais de ser unha estupenda oportunidade para coñecer de preto e en primeira persoa a extensa obra de Oruña, traducida xa a máis de oito idiomas, entre os que non podía faltar o galego, e con máis dun millón de lectores as súas costas.
María Oruña: “Todos nos creemos siempre los buenos del cuento, pero no es verdad”
Unha merecida homenaxe a unha das nosas escritoras contemporáneas máis ilustres, que ten levado os paisaxes e monumentos da nosa comunidade tan lonxe e coñecida especialmente por obras literarias de tanta calidade como a saga de novelas de misterio Porto Escondido ou O Bosque dos Catro Ventos, na que o brillante Jon Bécquer condúcenos a un dos lugares mais fermosos da nosa terra.
De todo isto e moito máis poderemos charlar coa nova Premio Cultura Pardo Bazán no País das Rías e a xornalista Guada Guerra o martes 16 de abril na sede da Deputación de Pontevedra en Vigo a partir das 19.00 horas con entrada libre ata completar aforo.
Temas
Más en Sociedad
-
La inclinación de venas pulmonares en el corazón influye en el riesgo de trombos, según un estudio
-
Málaga estudia contratar arqueros para cazar jabalíes que entren en zonas urbanas
-
Muere el oso rescatado en Cantabria tras no superar los efectos de la anestesia
-
CSIF, CCOO y UGT amenazan con movilizaciones si no se aprueba la ley de Bomberos Forestales antes de verano