A edición 2020 do “Premio Cacarexo” queda cancelada debido á situación sanitaria
O “Premio Cacarexo 2020” , que organiza a asociación cultural de Coiro que lle dá nome, vai quedar suspendido pola situación sanitaria derivada da pandemia de COVID-19, segundo veñen de anunciar os seus promotores, que teñen intención de recuperalo en edicións vindeiras, contando con que fructifique a loita contra o novo virus SARS-CoV-2.
“As medidas tomadas para frear a pandemia do coronavirus (COVID-19) obríganos a limitar o contacto social. O factor humano de agarimo á persoa ou colectivo premiado é fundamental, é a impronta clave para esta asociación na entrega do seu recoñecemento anual”, sinalan desde Cacarexo, e engaden que “esta nova negativa, motivada pola actual situación, será comprendida por todas e todos, xa que agora toda prioridade é a saúde pública”.
Os seus representantes agradecen a “comprensión” de persoas socias e achegadas, ás que convocan para a vindeira edición e trasládanlle “saudiña e os mellores desexos para 2021”.
Temas
Más en Morrazo
-
La caída de un olmo de 40 metros deja sin luz más de 12 horas al polígono de Castiñeiras
-
Los escoces Finlay MacDonald Trío y Brighde Chaimbeul&Cyril O´Donoghue, en el Intercéltico del 40 aniversario
-
Últimas noticias de O Morrazo, de Cangas, Moaña y Bueu, hoy en directo
-
Últimas noticias hoy en directo de O Morrazo