Charangas e murgas estrean hoxe o Carnavaldán
Hoxe bota a andar o Carnavaldán 2018, que estará amenizado polas charangas Amigos a Colores, Mil 9, Imperiais, Tocades Vós e os gaiteiros Serradela, ademais de murgas e comparsas. Os pasarrúas dos gaiteiros comezarán ás 10.30 horas para percorrer os lugares de Espiñeira, San Cibrán e Herbello. Pola tarde, desde as cinco, haberá xogos para os rapaces e bule bule na carpa a partires das 20.00 horas coa música dos gaiteiros Serradela e Tocade Vós. Ás dez da noite está previsto que actúen as murgas e ao remate das actuacións continuará o bule bule "ata caer de cú".
Mañán será a charanga Mil 9 a que se encargue dos pasarrúas por Piñeiro, Gandón e Menduíña, con saídas ás 10.30 horas desde a carpa con "todo quisque que queira acompañala". Pola tarde, bule bule desde as 20.00 horas con Mil 9 e Tocade Vós, e desde as dez da noite actuación das murgas e bule bule ata as tantas. A comparsa A Escachar e a charanga Imperiais farán o pasarrúas o Martes de Farrovellos por Espiñeira, San Cibrán e Herbello para rematar cunha laconada. Ás 15.30 sairá a gran comparsa A Cojonuda por Piñeiro, Gandón e Menduíña, ata enganchar co bule bule.
Temas
Más en Morrazo
-
Los escoces Finlay MacDonald Trío y Bridghde Chaimbeul&Cyril O´Donoghue, en el Intercéltico del 40 aniversario
-
Últimas noticias de O Morrazo, de Cangas, Moaña y Bueu, hoy en directo
-
Últimas noticias hoy en directo de O Morrazo
-
O Hío y Aldán se vuelcan con la campaña para ofrecer fincas para aparcamientos en playas