Méndez Ferrín: "Teño soños dentro dos cadros de Laxeiro"
O escritor recibe o Premio Laxeiro deste ano nun acto o sábado en Alcabre
This browser does not support the video element.
"Eu de vez en cando teño soños dentro de cadros de Laxeiro. Soños reais porque os soños son tan reais como a vixilia. Aparecen figuras de Laxeiro, sobre todo nos máis desagradables, nos meus peores pesadelos. O cal non quere dicir que eu odie a Laxeiro senón que el me suministra material para a miña imaxinación en forma de soño: cando o subconsciente se desata e aparece o mellor e o peor de nós, sempre encriptado, oculto como di Freud, iso é Laxeiro", confesou esta mañá Xosé Luis Méndez Ferrín na presentación do Premio Laxeiro 2018.
O escritor, "figura literaria e política das que fundamentan a Galicia contemporánea", como afirmou o director de Xerais, Manuel Bragado, recibirá o galardón este sábado nunha comida de confraternidade que se vén celebrando para recordar ao pintor polo seu aniversario. Bragado encargouse da glosa e valorou que este recoñecemento é "estrictamente xusto" pola "erudición inacabable" de Ferrín. Ademais, sinalou a importancia de traducir a obra do galego a outros idiomas e pediu un esfrozo ás institucións culturais para seguir proxectando os seus textos.
O alcalde de Vigo e presidente do Padroado da Fundación Laxeiro, Abel Caballero, resaltou a "inigualable capacidade creativa" do premiado e revelouse como lector habitual dos seus artigos no FARO. "Dos seus artigos en prensa leo e aprendo, como o facemos todos", dixo. Caballero tamén reiterou o respaldo do Concello á Fundación Laxeiro e asegurou que o pintor é "unha figura inmortal que todavía se pasea polas rúas de Vigo".
Méndez Ferrín leva máis de sesenta anos dedicados á creación literaria como poeta, ensaísta e novelista e case os mesmos anos como articulista en prensa. Na presentación do premio manifestou que está traballando en novas obras, mais non quixo desvelar nada aínda.
Temas
Más en Cultura
-
Muere Bernard Pivot, gran divulgador de la literatura en la televisión francesa, a los 89 años
-
Muere el actor británico Bernard Hill, conocido por 'El Señor de los Anillos o 'Titanic', a los 79 años
-
Y 47 años después, el punk se postra ante Pink Floyd
-
Madonna convierte la playa de Copacabana en la mayor discoteca del mundo y pone a bailar a 1,5 millones de fans