Qué hacer este venres | Cinco estreas absolutas, na Mostra de Teatro de Cangas

Hoxe arranca a XXXVI edición da Mostra de Teatro Cómico e Festivo de Cangas. Un ano máis a vila do Morrazo convértese nun referente español do teatro de humor. Ao longo de nove días, os amantes do teatro terán a oportunidade de ver máis dunha vintena de espectáculos teatrais, que serán representados no Auditorio de Cangas ou na rúa, en diferentes espazos do concello morracense. A Mostra comezará hoxe (22.30 h.) co pregón de Quico Cadaval, actor, dramaturgo, director e o impulsor do movemento de contacontos xurdido en Galicia na década dos noventa. A MITCFC acollerá este ano cinco obras que se poderán ver en Cangas por primeira vez en todo o mundo: "A Illa das Matriarcas", unha coprodución galego inglesa das compañías Aporia Escénica e Theatre of Ancients; "Crunch", unha coprodución da compañía galega Muuu e da Mostra; "La Gran Ofensa", de la Bendita Compañía e El Terrat (Cataluña), "Proxecto Cuco. Cultura contra o cambio climático", outra coprodución da MITCFC con Teatro Tío Teixo; e "C'est pas possible", de Sempre Arriba coproducida pola Mostra. Ademais, o público poderá ver cinco estreas en Galicia de obras como "Comedia Aquilana", de Nao de Amores & Cia (Castela e León, hoxe ás 22.30); "Donna Quixota", de Pina Polar (Polonia); "La mujer perdida", da compañía asturiana Teatro del Norte; "El desguace de las musas", de La Zaranda; e "Tentación Divina", da compañía Artlequín (Arxentina/España). - auditorio de cangas e na rúa - pregón ás 22.30 - varios prezos