Os dous concertos celebrados en Santiago de Compostela os días 18 e 19 de outubro de 2008 foron o punto de partida para o regreso musical de Fuxan os Ventos aos escenarios do país realizando un repertorio con novos arranxos dalgunhas das pezas máis emblemáticas da súa carreira, para o que contaron como director musical con Xosé Lois Romero, quen montou unha banda especial para acompañar ao grupo. Para esa ocasión tan especial tamén contaron coas colaboracións de Xabier Díaz, Guadi Galego, Uxía, Mercedes Peón, Pepe Ferreirós e Rodrigo Romaní. A obra, composta dun CD e un DVD, reedítase agora en formato grande de libro, con 84 páxinas a cor e tapas duras.
