Concienciados da importancia dunha aprendizaxe de maneira activa e lúdica, os mestres do Colegio Vigo, xunto co alumnado de Educación Infantil, levaron a cabo unha serie de experiencias co fin de vivenciar o outono. Colleitaron, seleccionaron, espremeron e pisaron uvas nun obradoiro arredor da vendima; debuxaron mazorcas de millo e fixeron o seu propio pan de millo; estamparon e animaron follas; crearon con froitos do outono€ Pero, sen dúbida, unha das experiencia máis interesantes foi a visita ao Parque dos Sentidos, na que ademais de poder observar de maneira directa os cambios que se producen na contorna, os nenos e nenas puideron acompañar o piar do paxaros e o son do ar facendo as súas propias melodías cos xilófonos, tambores e outros instrumentos que alí foron atopando.
