Como todos os anos, e dentro da programación das actividades cíclicas do museo, o Liste está a celebrar o Entroido con grande éxito de participantes. De feito, e como acontece sempre con estas propostas (Samaín, Maios, Nadal,€), as encargadas do departamento de Didáctica do espazo cultural non poden atender a moitos dos grupos que queren participar debido á grande demanda.
Ao longo da semana pasada y durante estes días, ate o venres, acodirán ao museo máis de 600 alumnos de centros escolares da cidade para participar na proposta do Entroido, ademais dun centenar de visitantes que levarán a cabo outras actividades ou visitarán as exposicións permanente e temporais.
Nesta ocasión, no museo prestaron especial atención a un Entroido pouco coñecido, o de Sande en Cartelle (Ourense). O seu personaxe principal son "As bonitas", que ademais dun vistoso tocado e careta, cubríanse cuns vistosos mantóns de Manila traídos polos combatentes da Guerra de Filipinas.
O_Liste contou coa colaboración de Mª Carmen Sousa, 'Bonita' de Sande, que foi a encargada de proporcionar información sobre este Entroido e sobre o personaxe e, ademais, prestou un traxe completo orixinal que está a estar exhibido durante estes días no museo.
A parte teórica da actividade apóiase nunha presentación visual e en diversas caretas e tocados tradicionais como as pantallas de Xinzo, os volantes de Chantada, os merdeiros de Vigo, a mázcara de Manzaneda, etc., e unha parte práctica na que os cativos reporducen un tocado e unha máscara de Bonita que logo levan de recordo.