Rescatan a un veciño de Carballo atrapado na súa vivenda dende este venres

O home caera no cuarto de baño, pero estaba consciente

Efectivos de emerxencias no operativo de rescate.

Efectivos de emerxencias no operativo de rescate. / Cedida

Suso Souto

Os bombeiros do parque provincial de Carballo recibiron este sábado, ás 20.25 horas, unha solicitude de entrada nun domicilio por unha persoa que precisaba asistencia sanitaria na rúa Alfredo Brañas, no citado municipio.

Á súa chegada ao piso localizaron un home de idade avanzada caído no cuarto de baño, pero consciente, manifestando que levaba dende o día anterior nesa situación.

Finalmente, os técnicos da ambulancia decidiron trasladalo a un centro sanitario para a súa valoración.

No punto estaban unha ambulancia, un membro de Protección Civil de Carballo, unha patrulla da Garda Civil e a Policía Local.

Tracking Pixel Contents