Carlos Núñez arranca a súa xira de verán "Lugares Máxicos" en Salvaterra do Miño o día 25

Hai 30 anos saía publicado un dos discos de música galega máis importantes da historia de noso, «A irmandade das estrelas», de Carlos Núñez. Fora o primeiro álbum do gaiteiro vigués que se converteu nun fenómeno mundial. Agora inicia a xira especial de verán «Lugares Máxicos» que partirá o vindeiro 25 da Praza do Castelo en Salvaterra do Miño (Pontevedra).

As entradas podémolas adquirir en ataquilla.com cos prezos a partir dos 21,5 euros ademais dos custos.

Dende a súa oficina informaron de que a xira parará noutros lugares especiais como o Pazo Baión ou o Mosteiro de Oseira.

Núñez ademais prepara a súa actuación no Intercéltico de Lorient, na Bretaña francesa, festival da música celta dos países atlánticos que comezará en dez días.

O vigués Carlos Núñez será un dos grandes nomes do cartel este ano xunto a Denez, Capercaillie, Agnes Obel, Yann Tiersen ou Susana Seivane.

Hai que lembrar que dende o 31 de xullo ata o 9 de agosto tamén actuarán alí outros artistas galegos como Luar na Lubre, Ailá, Benefán, o grupo estradense de baile Tequexetéldere, a Banda de Gaitas Estivada, José Manuel López coa súa masterclass de gaita, a pandeireteira e cantareira coruñesa Icía Kirk, entre outros.

Suscríbete para seguir leyendo