A Deputación de Pontevedra pon o foco en dous grandes retos: a sustentabilidade e o comercio local
No marco da campaña "Da túa man", a Deputación de Pontevedra distribúe zonas de descanso intelixentes para promover as renovables, comparte un novo packaging baixo o lema “Experiencias SOStibles” e instala illas ecolóxicas compostas por contedores de reciclaxe
Fai xa tres anos que vivimos a pandemia e o confinamento, pero o comercio local segue sufrindo as consecuencias económicas e sociais. Por iso, a Deputación de Pontevedra puxo en marcha, xa en 2022, o programa “Da túa man”. Un proxecto que pretende reactivar, desenvolver, impulsar e fortalecer o comercio de proximidade na provincia de Pontevedra, concretamente en once municipios: A Cañiza, Gondomar, Moaña, Meaño, Ponte Caldelas, O Rosal, Silleda, Salceda de Caselas, Tomiño, Poio e Ribadumia.
Neste sentido, búscase favorecer a creación e consolidación do comercio local, que permita xerar riqueza e postos de traballo de calidade. Todo iso, a través de diferentes actividades relacionadas coa transformación dixital, a transformación do punto de venda, a sustentabilidade e economía circular e a sensibilización e formación, ademais doutras actividades. Trátase de poñer en marcha diversas accións nas que todos os axentes implicados teñan un papel protagonista, tanto comerciantes, como veciños e veciñas deses municipios e os seus arredores.
Zonas de descanso intelixentes para promover as renovables
O obxectivo das zonas de descanso intelixentes é crear novos puntos de reunión para a poboación vinculados ao comercio de proximidade e promover as renovables
Entre esas accións, destinadas a modernizar e dixitalizar o comercio de proximidade e facelo máis sostible e respectuoso co medio ambiente, atópase a creación de zonas de descanso intelixentes. Da man da Deputación de Pontevedra, estes espazos distribuíronse polos diferentes municipios do programa “Da túa man”, para dotar ao seu comercio local de vida e dinamismo, facilitar os procesos de compra e facer máis atractiva a súa contorna comercial.
Estas áreas de descanso están formadas por bancos e sinalética, que posúen cargadores solares, puntos de recarga para dispositivos dixitais, iluminación e elementos ornamentais, como xardineiras. Actualmente, a sinalética ofrece información do proxecto e, en breve, cando se lance a plataforma de comercio intelixente, ofrecerá información sobre os comercios locais, ademais doutras funcionalidades. Para consultar esta información, a cidadanía pode acceder a un código QR, que debe escanear co seu dispositivo móbil.
O obxectivo destas zonas de descanso intelixentes é crear novos puntos de reunión para a poboación, vinculados ao comercio de proximidade e destinados a mellorar a súa experiencia de compra. Do mesmo xeito, búscase garantir a accesibilidade a todas as persoas da sociedade e promover o uso de enerxías renovables.
“Experiencias SOStibles”
Coa finalidade de seguir promovendo a proximidade, calidade e sustentabilidade que rodea ao comercio local, tamén se deseñaron novos elementos de packaging e bolsas reutilizables, como alternativa ás bolsas de plástico e papel. Baixo o lema “Experiencias SOStibles”, a Deputación de Pontevedra creou estes novos deseños para concienciar á poboación e promover a economía circular.
Illas ecolóxicas
Ademais destas “tote bags” sostibles, tamén se instalarán illas ecolóxicas compostas por contedores de reciclaxe para facilitar a clasificación de residuos urbanos. Para o cerramento usaranse módulos, que incluirán unha campaña de sensibilización con información sobre a xestión de residuos e mensaxes para concienciar aos consumidores sobre pequenas accións que poden facer na súa vida diaria para contribuír á sustentabilidade e á loita contra o cambio climático.
- Una viguesa afincada en Vilagarcía caza así velutinas reina en su casa: "La primavera pasada capturé 40
- Finde veraniego en Galicia antes de un desplome de las temperaturas
- Álex ya está en casa: "Las Fuerzas Armadas nunca dejan a nadie atrás
- Claves de la meningitis fulminante
- El estibador que cayó de la grúa que derribó un barco en Valencia: "La empresa me declara 'no apto' pero el INSS me obliga a trabajar
- La vida de Álex pende de un hilo: el 50% de su páncreas está muerto y la necrosis aumenta
- El avión que repatriará al español enfermo en Tailandia saldrá de Bangkok este domingo
- La enfermedad de Lyme, transmitida por garrapatas, se oculta en otras dolencias