Son oito os centros nos que reflexionarán sobre ‘Xoguetes’ (sen estereotipos de xénero), cos recursos didácticos achegados pola Deputación de Pontevedra. Todos eles forman parte do proxecto Faro da Escola, por iso poden escoller os obradoiros que prefiren, propostos polas institucións, empresas e organismos que colaboran con este proxecto de xornalismo escolar.
Nesta temática, en concreto, participan: CEIP Xesús Golmar (Lalín), CPR Plurilingüe Ángel de la Guarda (Nigrán), CPR Plurilingüe Alborada (Vigo), CPR Plurilingüe Barreiro (Vigo), CPR Plurilingüe San Miguel 2 (Vigo), CEIP de Seara (Moaña), CEIP Plurilingüe de Guillarei (Tui) e CEIP de Laredo (Redondela).
