O equipo do programa da TVG "Anacos de vida" e os protagonistas da nova entrega que se estrea hoxe (19.00 horas) visitaron aos alumnos do CEIP de Guntín, vila protagonista. O grao de implicación dos cativos e os profesores foi moi grande, xa que moitos deles recibiron a Aser Álvarez e a Alba Prol, presentadores, e o resto do equipo vestidos de época nun evento aberto a todo o público para ser os primeiros en gozar en primicia do segundo episodio antes da súa emisión en televisión. Este formato audiovisual está centrado na recuperación da memoria gráfica e oral.
