O programa "Hoxe con Manquiña" da TVG conta este domingo (00.10 horas) coa presenza de dous xornalistas que cubriron os acontecementos máis importantes da nosa historia recente: a viguesa María Rey e o seu marido Manuel Campo Vidal, colaborador de FARO DE VIGO. Segundo informa a produtora Ézaro Films, os comunicadores abriron as portas da súa casa de verán en A Guarda para coñecer un pouco máis de preto a súa vida e a súa faciana máis descoñecida.
María Rey estivo máis de vinte anos como corresponsal parlamentaria e foi testemuña dos grandes cambios políticos que xurdiron na nosa historia recente. No programa presentado por Manuel Manquiña, analizará co seu marido, Manuel Campo Vidal, os debates políticos máis importantes da historia da televisión e a súa experiencia como corresponsal na Casa Real.
