A TVG roda "O sabor das margaridas", un thriller policial de seis episodios con localizacións exteriores en Abegondo, A Estrada, Vedra e Santiago. Dirixida por Miguel Conde ("Seis irmás"), a serie está protagonizada polas actrices Nerea Barros -gañadora do Goya á mellor actriz revelación por "A illa mínima"- e María Mera ("Dalia, a modista"), e os actores Ricardo de Barreiro (o policía Montilla en "Fariña"), e Tony Salgado, destacado polas súas interpretacións en cine, teatro e na serie "Pazo de Familia".
