O cantante Marc Parrot visita hoxeo plató de "Máxima audiencia"

O presentador e actor Manuel Manquiña recibirá en "Máxima audiencia" dúas visitas excepcionais, dun lado o músico que fora o célebre Chaval da Peca, Marc Parrot, e tamén ao profesor Jorge Mira, dentro dun clímax no que reinará o humor satírico. Para empezar a noite de "Máxima audiencia" contarase cun músico de sólida traxectoria profesional, Marc Parrot, que volve a súa auténtica personalidade logo da exitosa aventura que supuxo a súa creación de O chaval da Peca. Parrot, que cansou un día deste personaxe, colgou os pantalóns de campá e as gafas de mosca para volver cun novo disco titulado "Dos maletas" e que presentará neste programa.

Doutro lado ben distinto, Manquiña conversará cun dos investigadores máis peculiares de Galicia, o profesor Jorge Mira, que mantén que o idioma galego desaparecerá antes do ano 2100, unha polémica teoría que o fixo famoso, xunto a outras sobre a temperatura do inferno ou as estatísticas de goles en función das porterías.