farodevigo.es »

Memoria de Xaime como neno de Ourantes
 02:55  
Enviar
Imprimir
Aumentar el texto
Reducir el texto
X.L. Méndez Ferrín
No Ourantes (Ourense, na narrativa de Xaime Quesada) que ten como centro Santa Eufemia destacaba sobre 1943 ou sexa nos días de Stalingrado un neno con tirabuzóns loiros, fillo de Teresita Porto que era viuva nova e parecía unha artista de cine. Non tardaron en desaparecer tirabuzóns, e aquel neno da Rúa Nova ou do Instituto ou de Lamas Carbajal convertiuse en suxeito activo e de palabra veloz, con dotes de lider. Tiñamos como punto de reunión a parte alta dos Jardinillos, nun banco ao que lle faltaba o asento e no que nos exercitabamos en números de trapecio vistos no Circo Feijóo. Revelounos alí Xaime Quesada ser o sobriño ou primo do Veiras (non Beiras): un artista respectado e popular que deseñaba incribeis iluminacións nas festas e de cuxo estudio acabada de saír o trazado dos novísimos xardíns da Burga cuxos mirtos e empedradiño á portuguesa aínda permanecen. O día no que apareceu pola nosa xuntanza aquel rapaz maior cunhas antefixas de Catedral talladas en tizas escolares. Xaime aproveitou para nos revelar que el tamén era artista. En canto ao rapaz das tizas, este perdeuse en silencio pola zona do Orfeón e del saberiamos, anos despois, que era un escultor que se chamaba Arturo Baltar. O noso amigo Arturo Baltar.
Certo, entre a incitación do Veiras, a suxestión do taller de Prego de Oliver e o apoio dos seus irmaos maiores artistas, Xaime Quesada converteuse en debuxante precoz. A "Profe", Mercedes de Gracia, tiña unha escoliña na Rúa da Paz na que liamos Corazón, na que nunca se rezaba e na que se atuaba as profesoras, incluso a Directora, a cal debía de pesar uns cen quilos. A esta escola privada e vagamente institucionista asistín con Xaime. Durante as aborrecidas horas invernais de estudio, el concentrábase para debuxar clandestinamente de memoria as paisaxes urbanas de Ourense, digo Ourantes. Alí estaba Heriberto e non sei se Antonio, amigos.
Así que participei con Xaime dunha extraña infancia artística e liberal aínda que marcada por constantes procisións intercaladas de representacións e veladas no Principal e seguidas de incursións á Barbaña ou ao Monte Alegre en procura de calquera aventura en convivencia coas bandas dos suburbios en cuxas fazañas gostabamos de participar, sempre lonxe do Parque de San Lázaro. Logo, sobre os dez anos de idade, a vida separounos a Xaime e a min aínda que, moito tempo despois, eu voltaría visitar aquela súa casa de Lamas Carbajal en cuxos interiores estaban as monecas antigas, o piano de Teresita, raros instrumentos médicos, a libraría acristalada, e por cuxas fiestras entraba a luz escasa, pro única e peneirada, da que dora xudaría da nosa cidade.
Xaime completou en Madrid estudos superiores e medrou, ano tras ano, en sabedoría e determinación plástica, e logo tamén literaria. Coido que nunca deixou de ser o meniño argallante e locuaz co que xoguei no Ourense, ou no Ourantes, dos distantes anos cuarenta.
Aquel mesmo fogo, mesma imaxinación, mesma inquedanza, eran características dun artista maduro que só a morte sería capaz de deter no proceso infinito de xeración de formas e de representación. Foi antifeixista, gloriosamente.
Eu agora choro e me doo porque a morte cruel nos deixou sen Xaime Quesada Porto para sempre.
COMPARTIR
 

Empleos

Teleoperador/a Comercial - Jonada Parcial (tardes)

Localidad (Provincia): Vigo (Pontevedra)
Salario: 15.000
ver más

Venta telefónica - teleoperador/a

Localidad (Provincia): Vigo (Pontevedra)
Salario: 10.000
ver más

PROGRAMADOR WEB

Localidad (Provincia): Vigo (Pontevedra)
Salario: 1.200
ver más

Director/a General Mejillonera (Galicia)

Localidad (Provincia): Pontevedra (Pontevedra)
Salario: A negociar
ver más

Coches de segunda mano

Skoda Fabia Gasolina en Vigo

11.600€, año 2019, 5.000 kms. v.1.0MPI 75CV LIKEver más

Skoda Karoq Gasolina en Vigo

27.700€, año 2019, 2.000 kms. v.1.5TSI 150CV DSG Sver más

Skoda Fabia Gasolina en Vigo

10.900€, año 2019, 12.000 kms. v.1.0MPI 75CV LIKEver más

Peugeot 2008 Gasolina en Vigo

13.990€, año 2017, 33.000 kms. v.1.2 82CV PURETECHver más

Opel Astra Gasolina en Vigo

12.990€, año 2017, 25.000 kms. v.TURBO 1.4 125CVver más

Venta de pisos

Casa en venta con 61 m2, 2 dormitorios en

Casa, independiente con 61 m2, 2 dorm, 1 baños, .Vivienda ubicada en elver mï¿?s

Piso en venta con 84 m2, 2 dormitorios en Zona

Piso, con 84 m2, Buen estado, 2 dorm, 2 baños, 1 armario(s) empotrado(s),ver mï¿?s

Dúplex en venta con 267 m2, 5 dormitorios en

Dúplex, con 267 m2, Buen estado, 5 dorm, 3 baños, 1 armario(s) empotrado(s),ver mï¿?s

Casa en venta con 1000 m2, 7 dormitorios en

Casa, independiente con 1000 m2, Buen estado, 7 dorm, 1 aseo(s), 3 baños, 1ver mï¿?s

Piso en venta con 75 m2, 2 dormitorios en

Piso, con 75 m2, Buen estado, 2 dorm, 1 aseo(s), 1 baños, 1 plaza(s) dever mï¿?s