O domingo, 2 de marzo de 1856, celebrábase nunha esquecida carballeira do sur de Compostela o chamado Banquete de Conxo, onde brindaron xuntos, pola liberdade e a fraternidade, estudantes e obreiros. Desa reunión foi da que xurdiu tamén a xeración que logo promovería o Rexurdimento da cultura galega. Neste libro, catro autores (Henrique Alvarellos, Xurxo Martínez González, Francisco Singul e Martín Souto) percorren aquel espazo mítico no actual barrio de Conxo, o bosque e o río que fascinaron a Rosalía de Castro, o mosteiro que visitou García Lorca en 1916 , a devoción pola Virxe da Cuncha... Trátase dun paseo -con 60 imaxes, ilustracións e planos- polas voces e os nomes que alimentaron ese espazo.
