Batallas dialécticas na aula
A regueifeira Lupe Blanco impartindo unha das sesións do obradoiro no IES de Soutomaior. / FdV
l. costas
Voltan as actividades
cos mociños de segundo,
sonche moi habilidosos
vanche aprender un mundo.
Para compor as regueifas
hai que ter habilidade,
teñen boa profesora
e moitas ganas de cantare.
Ela évos Lupe Blanco
na regueifa das mellores,
percorre o país enteiro
cos cativos e maiores
Con xeito, facendo as rimas e botándolle moita retranca ás súas coplas. Así foi como comezou a regueifar alumando do IES de Soutomaior. O centro educativo retomou as actividades complementarias cun obradoiro de regueifas do que participaron de xeito voluntario estudantes de dúas clases de 2º de ESO.
A profesora convidada foi Lupe Blanco, unha das grandes regueifeiras galegas, que aprendeu esta modalidade da improvisación oral e cantada na propia casa co seu bisavó, Blanco de Muiñoseco, considerado o «padriño» da regueifa en Bergantiños. Leva anos dinamizando esta rica tradición oral nos medios, en escolas específicas e nos certames que se celebran a todos os niveis.
Os versos constrúense en cuartetas octosilábicas de rima asonante ou consonante. | // FDV / l. costas
O obradoiro organizado polo Equipo de Dinamización da Lingua Galega, grazas a un programa da Asociación Oral de Galicia de Valadares e a Deputación de Pontevedra, dividiuse en dúas partes e del seguro sairá unha boa canteira de artistas do verso e a improvisación oral. E é que estes rapaces do IES de Soutomaior participan no certame de regueifas impulsado pola Deputación con estudantes doutros 40 centros de educación secundaria da provincia, unha decena deles da bisbarra: o IES Ribeira do Louro de Porriño; do Val Miñor os IES Escolas Proval e Val Miñor de Nigrán, o CPI de Cova Terreña de Baiona e o IES Auga da Laxe de Gondomar; do Condado Paradanta o CIFP A Granxa e os institutos do Barral e Pedra da Auga de Ponteareas e do Baixo Miño o Antón Alonso Ríos e o Indalecio Pérez Tizón de Tui.
Logo do obradoiros, rematados todos xa no día de onte, celebrarase a exhibición final o vindeiro 19 de novembro no auditorio do CVC de Valadares en Vigo, na que as equipas dos dez institutos clasificados retaranse dialecticamente para gañar o concurso.
Posta en valor do galego
O obxectivo das sesión formativas é o de traballar co alumnado as capacidades de improvisación a través da metodoloxía para a controversia tradicional en verso, un antecedente de manifestacións musicais actuais como é o rap. Así, trabállanse aspectos relacionados con conceptos poéticos, como son a rima, o ritmo ou a métrica, introducindo a perspectiva respectuosa e igualitaria, pero tamén a ironía e o sentido do humor, así como a tradición e cultura oral galegas.
Segundo explican dende a Deputación, a intención de levar adiante este novo certame é promover actividades para poñer en valor a lingua galega entre a xente moza, potenciando habilidades comunicativas ao tempo que se recupera unha tradición.
A regueifa, un desafío oral improvisado
Carácter basicamente oral, se perde na noite dos tempos.
Co paso do tempo, esta tradición de carácter eminentemente rural e cultivada por xente de moi escasa ou nula formación, basicamente agricultores ou gandeiros, chegou a ser un elemento máis de diversión e de entretemento nas tabernas, ou mesmo como modo de espectáculo nas festas patronais ata que, coa chegada dos modernos medios de comunicación e as modas musicais, entrou en decadencia.
Na actualidade, os regueifeiros practícana cando son convidados por algún concello, algunha asociación cultural ou centro escolar para exhibir a súa habilidade en público. A confrontación realízase normalmente por parellas e os temas sobre os que se trata habitualmente son: a vida persoal de ambos, o que acontece na sala, vestimenta ou aspecto do público presente, calquera suceso de interese xeral que se coñeza neses momentos...
A mecánica habitual é que ao comezo de cada actuación se faga un breve saúdo aos asistentes para axiña entrar no desafío dialéctico no que cada regueifeiro ataca e o outro á vez deféndese e acaban despedíndose do público.
- Carmen quedó parapléjica en el hospital de Ourense a los dos días de una cirugía de rodilla: «No quiero vivir así»
- Parte de la millonaria indemnización por la caída de una losa salió del bolsillo de los dueños del edificio
- Expulsan de un colegio de Vigo a un niño de Infantil por su agresividad
- Ratifican la condena a un fisioterapeuta que perforó los pulmones a una paciente por una «evidente» mala praxis en la punción con agujas
- Se buscan vecinos para vivir en este pueblo cerca de Vigo: hay trabajo y casas en venta desde 50.000 euros
- Bares de Vigo reclaman a los clientes que «no tomen solo café» para reservar mesas para ver fútbol
- Rescatan a dos tripulantes de un pesquero tras arder y hundirse en la costa de Muros
- Dueños de pisos protegidos de Vigo piden hasta 75.000 euros en negro a los compradores
